x

Монгол Улс 2025 онд 847 мянга гаруй жуулчин хүлээн авчээ

УИХ-ын Аялал жуулчлалын хөгжлийн дэд хорооны 2026 оны эхний хуралдаан гуравдугаар сарын 31-нд болж, аялал жуулчлалын бодлого, зохицуулалтын нэгжийн үйл ажиллагаатай танилцах, салбарын бодлого, хууль тогтоомжийн хэрэгжилт, тулгамдаж буй асуудлын талаар мэдээлэл сонсов.

Энэ талаар Соёл, спорт, аялал жуулчлал, залуучуудын яамны Аялал жуулчлалын бодлого, зохицуулалтын газрын дарга В.Батчимэг мэдээлэхдээ, Монгол Улс 2025 онд 847 мянга гаруй жуулчин хүлээн авч экспортын орлого 728 сая ам.долларт хүрснийг тодотгов. Тэрбээр танилцуулгадаа, дотоодын жуулчдын зарцуулалт 2.6 их наяд төгрөгт хүрсэн ба нийт аялал жуулчлалын салбарын эдийн засгийн хэмжээ 5.2 их наяд төгрөг буюу 1.4 тэрбум ам.долларт хүрсэн нь аялал жуулчлал манай улсын эдийн засгийн чухал салбар болохыг баталж байна. НҮБ-ын дэргэдэх Дэлхийн аялал жуулчлалын байгууллагын “World Tourism Barometer” тайланд жуулчдын тоогоор дэлхийн хамгийн өндөр өсөлттэй 20 орны жагсаалтын 15 дугаар байранд Монгол Улс эрэмбэлэгдсэн нь хамтын хүчин чармайлтын бодит үр дүн гэлээ.

Аялал жуулчлалын салбар нь хууль эрх зүйн хувьд Аялал жуулчлалын тухай хууль 2023 онд шинэчлэн баталж, УИХ-ын тогтоол 1, Засгийн газрын 95 дугаар тогтоолын хэрэгжилтийг ханган ажиллаж байна. Өнгөрсөн оны байдлаар хууль эрх зүйн хэрэгжилт нийт 69.1 хувьтай байна гэв. Түүнчлэн салбарын яам бусад оролцогч талуудтай идэвхтэй хамтран ажилласны үр дүнд аялал жуулчлалын салбарыг шинэ шатанд гаргах ажлыг хийж гүйцэтгэсэн гэдгийг Аялал жуулчлалын бодлого зохицуулалтын газрын дарга В.Батчимэг мэдээлэлдээ онцолсон. Тухайлбал, Улсын аялал жуулчлалын бүс болон салбарын үйлчилгээний байгууллагын ангилал, зэрэглэлийг тогтоох, олгох, бууруулах, хүчингүй болгохтой холбоотой журмыг шинэчлэн баталсан байна. Дөрвөн улирлын аялал жуулчлал зорилтын хүрээнд “Өвлийн аялал жуулчлалыг хөгжүүлэх төлөвлөгөө”-г Засгийн газрын хуралдаанаар батлан хэрэгжүүлж байгаа аж.

Мөн Монгол Улс болон БНХАУ, ОХУ-ын аялал жуулчлалын сайд нарын есдүгээр хуралдаанд 2025 оны 11 дүгээр сард Дархан-Уул аймагт “Цайны замын авто аялал” нээлтийг амжилттай зохион байгуулсан байна. Travel Platform хөгжүүлэлт эхлэхэд бэлэн болсны зэрэгцээ салбарын хүний нөөцийн хэрэгцээ шаардлага өндөр байгаа энэ цаг үед Монгол Улс, БНСУ-ын Засгийн газар хоорондын хамтын ажиллагааны хүрээнд Аялал жуулчлалын сургалтын төвийн барилгыг хүлээн аваад байна. Цаашид тус сургалтын төвийн барилгыг түшиглэн Мэргэжлийн боловсролын сургалтын байгууллагыг албан ёсоор байгуулах бэлтгэл ажил хангагджээ.

Түүнчлэн шууд нислэгтэй газрын тоо нэмэгдэхийн зэрэгцээ Хөвсгөл аймаг олон улсын шууд нислэг хүлээн авсан байна. Мөн аялал жуулчлалын салбарыг хөнгөлөлттэй зээлийг энэ сараас олгож эхэлнэ хэмээн мэдээлэлд дурдсан. Цаашид аялал жуулчлалыг хөгжүүлэх санг байгуулах, татварын бодлогыг оновчтой болгож, салбарт дахин хөрөнгө оруулалт хэлбэрээр зарцуулах механизмыг бүрдүүлэх, аялал жуулчлалын дэд бүтцийг хөгжүүлэх, авто зам, тээвэр, байршуулалтын үйлчилгээ болон жуулчдын сонирхлыг татах бүтээн байгуулалтыг нэмэгдүүлэх, үзмэрүүдийг сайжруулах, байгаль орчинд үзүүлэх сөрөг нөлөөллийг бууруулж, орон нутгийн иргэдэд бодит өгөөж хүртээх тогтвортой аялал жуулчлалыг хөгжүүлэх, салбарын эдийн засгийн өгөөжийг нэмэгдүүлж, орон нутгийн бизнес болон ажлын байрыг дэмжихэд чиглэсэн бодлого гарган ажиллахад онцгойлон анхаарч байна хэмээн мэдээлэлд дурдсан байв.

Үүний зэрэгцээ зорин очих газрууд руу чиглэсэн агаарын тээврийн дэд бүтэц, нисэх буудлуудыг олон улсын шаардлагад бүрэн нийцүүлэх, хилийн боомтуудын нэвтрүүлэх хүчин чадлыг нэмэгдүүлж, урсгалыг хурдасгах, авто замын дэд бүтцийг сайжруулах, байгаль орчинд ээлтэй, өвлийн улиралд ажиллах боломжтой жуулчны баазын тоо, хүчин чадлыг нэмэгдүүлэх, үндэсний онцлогийг шингээсэн, жуулчдын сонирхлыг татах бүтээн байгуулалт, үзмэрүүдийг хөгжүүлэх зэрэг тулгамдсан асуудлуудыг шийдвэрлэх шаардлагатай байгаа аж. Иймд дээрх чиглэлүүдэд төвлөрөн бодлого, хөрөнгө оруулалт, хэрэгжилтийг уялдуулан ажиллах болно гэдгийг мэдээлэлд дурдсан байлаа.

Соёл, спорт, аялал жуулчлал, залуучуудын сайд Ч.Ундрам “Засгийн газраас Монгол Улсын аялал жуулчлалын 17 бүсийг 12 аймагт анх удаа тодорхойлсон. Олон улсын байгууллагын санхүүгийн дэмжлэгтэй энэхүү 17 бүсийнхээ аялал жуулчлалын менежментийн төлөвлөгөөг боловсруулан ажиллаж байна” хэмээв. Мөн тэрбээр “Монгол Улсаас хувийн хэвшлээ дэмжиж 6.0 хувийн хүүтэй, 6 жилийн хугацаатай, эхний жил нь үндсэн зээлээ төлөхгүй байх нөхцөлтэй зээлийг аялал жуулчлалын салбарынхаа аж ахуйн нэгжүүдэд олгохоор болсон. Салбарын яамнаас аялал жуулчлалын мэргэжлийн холбооддоо гишүүнчлэлтэй компанийн нэрсийг банкуудад хүргүүлсэн. Банкууд эрсдэлээ хүлээх тул зээлийн хүсэлт өгсөн аж ахуйн нэгжээсээ хамгийн бага эрсдэлтэйг сонгож зээл өгөх байх” гэсэн нэмэлт тайлбарыг өгсөн. Түүнчлэн салбарын яамнаас зээлийн шалгуурыг багасгаж, аялал жуулчлалын дотоодын аж ахуйн нэгж байх, түүнд нь мэргэжлийн хоёроос багагүй хүн ажилладаг байх ёстой гэсэн шаардлагыг тавьсан гэв. Арилжааны банкуудад мэргэжлийн холбоодод гишүүнчлэлтэй компаниудын нэрсийг өгсөн учир нь аялал жуулчлалын салбарын нэрийг бариад бусад этгээд зээл авахаас болгоомжилсон хэрэг гэдгийг салбарын сайд хариултдаа онцолсон.

Дараа нь УИХ-ын гишүүн Г.Лувсанжамц оны эхний хоёр сарын байдлаар жуулчны тоо 33 хувийн өсөлттэй байгаа ч цаашдаа түлшний үнэ нэмэгдэх үед уг үзүүлэлт өсөх эсвэл багасах талаар тодорхой судалгаа бий эсэхийг, УИХ-ын гишүүн Н.Батсүмбэрэл эл салбарын хууль тогтоомжийг 2023 онд шинэчилсэн хэдий ч цаашид сайжруулах, анхаарах асуудал байгаа талаар илүүтэй лавлаж байлаа.

Соёл, спорт, аялал жуулчлал, залуучуудын сайд Ч.Ундрам хариултдаа, Геополитикийн нөхцөл байдал шатахууны үнийн өсөлтөөс өмнө мэргэжлийн байгууллагуудтайгаа хамтраад энэ жил 1.0 сая орчим жуулчин хүлээн авах нь гэдэг тооцоо, судалгаа гаргасныг онцлоод гэвч ирэх сараас авиа компаниудын нислэгийн үнэ нэмэгдэж байгааг дурдав. Мөн Аялал жуулчлалын тухай хууль батлагдсанаас хойш таван жилийн дараа үнэлгээ хийх хэдий ч уг хууль аялал жуулчлалын салбарын эрх зүйн орчныг маш сайн бүрдүүлж өгсөн гэлээ.

Түүнчлэн тэрбээр энэ жил 250 орчим тэрбум төгрөгийн зээл гаргах боломжтой ч аж ахуйн нэгжүүдээс 800 тэрбум төгрөгийн зээлийн хүсэлтийг банкуудад ирүүлсэн тул аялал жуулчлалын салбарын зээлийг үргэлжлүүлэх, ирэх жил зээлийн татаасыг нэмэгдүүлэхэд гишүүдээсээ дэмжлэг үзүүлж ажиллахыг хүсэж байв хэмээн УИХ-ын Хэвлэл мэдээлэл, олон нийттэй харилцах газраас мэдээлэв.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 1 цаг 8 мин Мэдээж “Ар нь түүз!” 1 цаг 19 мин И-спорт болон оюуны спортын Азийн анхдугаар наадмыг 2027 онд зохион байгуулна 1 цаг 37 мин Улаанбаатарт өдөртөө 8 хэм хүйтэн 1 цаг 45 мин Аймгуудын өрсөлдөх чадварын 2026 оны тайлангийн үр дүнг танилцуулна 1 цаг 48 мин Д.Трамп Хятадад Ким Жөн Унтай уулзаж магадгүй гэв 1 цаг 53 мин Тайванийн Гадаад хэргийн сайд АНУ-д хоёр дахь удаагаа очжээ 1 цаг 58 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 2 цаг 3 мин Д.Медведев улирлын хаалтын тэмцээнийг хожлоор эхлүүллээ 17 цаг 2 мин “Вояжер-1” сансрын төхөөрөмж түүхэн дээд амжилт тогтооход ойрхон байна 17 цаг 6 мин Голомт банк “Euromoney Awards”-ын дөрвөн төрөлд шилдгээр шалгарлаа 20 цаг 51 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 21 цаг 5 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 21 цаг 17 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
С.Бямбадорж: Төрийн тамганы хөшөөг нурааж, АН тугаа тайрч ог... Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... З.Мэндсайхан: Тэтгэвэр, цалингийн нэмэгдлээр дамжуулан ажлын... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа У.Хүрэлсүх: Гүтгэлэг худал болохыг нотлохын тулд ажлаа өгч б... Элсэн манханыг тогтворжуулах, элсний нүүдлийг зогсоохоор ажи... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн
Top