Газрын тос экспортлогч орнуудын байгууллага болон түүний түнш орнууд /ОПЕК+/ улирлын чанартай хүчин зүйлсээс шалтгаалан хоёр, гуравдугаар сард олборлолтоо нэмэгдүүлэхийг түр зогсоох шийдвэрээ хэвээр үлдээснийг ням гарагт нийтэлсэн ОПЕК-ийн мэдэгдэлд дурджээ.
Энэхүү шийдвэрийг дэлхийн газрын тосны зах зээлийн өнөөгийн байдал, эдийн засгийн төлөвийг үнэлэх зорилгоор цахимаар зохион байгуулсан ОПЕК+-ийн гишүүн орнуудын уулзалтаар гаргасан байна. Уулзалтад Саудын Араб, ОХУ, Ирак, Арабын Нэгдсэн Эмирт Улс, Кувейт, Казахстан, Алжир, Оманы төлөөлөгчид оролцжээ.
ОПЕК+-ийн эдгээр найман улс 2025 оны дөрөвдүгээр сараас эхлэн олборлолтоо сар бүр нэмэгдүүлж байсан боловч 2026 оны нэг, хоёр, гуравдугаар сард олборлолтыг нэмэгдүүлэхийг түр зогсоох шийдвэрийг өнгөрсөн оны 11 дүгээр сарын сүүлчээр гаргаж, уг шийдвэрээ улирлын хүчин зүйлстэй холбон тайлбарласан байна.
ОПЕК+-ийн орнууд зах зээлийн нөхцөл байдал өөрчлөгдөх үед уян хатан бөгөөд урьдаас зөвшилцсөн бодлого баримталж, шаардлагатай тохиолдолд олборлолтын хэмжээгг зохицуулахад бэлэн байгааг мэдэгдэлд дурджээ.
Дараагийн шийдвэрийг хэлэлцэх найман улсын уулзалт хоёрдугаар сарын 1-нд болно.
Эх сурвалж: Xinhua
