x

Дэлхийн зургаан CEO-гийн манлайллын сургамж

Өнөөдөр дэлхийн хэмжээний компанийг удирдана гэдэг хэзээ хэзээнээс илүү хүнд сорилт болжээ.

Геополитикийн тодорхой бус байдал, эмзэг нийлүүлэлтийн сүлжээ, технологийн тасралтгүй өөрчлөлт, мөн урьдчилан таамаглах боломжгүй гэнэтийн томоохон үйл явдлуудын дунд стратегийн чиг баримжаа тогтоож, олон мянган ажилтныг урамшуулан нэг зорилгын дор нэгтгэх нь амаргүй ажил юм. Ийм нөхцөлд манлайлал гэдэг нь зөвхөн шийдвэр гаргах чадвар бус, харин өөрийгөө болон орчноо зөв удирдах ухаан болж хувирч байна.

2025 онд дэлхийн хэмжээний зургаан компанийн гүйцэтгэх захирлуудтай хийсэн ярианаас харахад, тэд өөр өөр салбар, өөр өөр улс оронд ажилладаг ч амжилттай манлайллыг тодорхойлдог хэд хэдэн нийтлэг чанарыг онцолж байв. Тэдний ярианаас ил тод, шулуун шударга харилцаа бий болгох, ажлыг бусдад итгэлтэйгээр хуваарилж, өөрийн давтагдашгүй үнэ цэнэ нэмдэг хэсэгт төвлөрөх, мөн тогтворгүй орчинд дотоод төвөө хадгалж, тасралтгүй суралцах нь онцгой чухал болох нь тодорхой харагдсан юм.

Инженерийн салбарын дэлхийн аварга компанийн гүйцэтгэх захирал Мортен Виеродын хувьд ил тод байдал, итгэлцэл нь өндөр гүйцэтгэлтэй байгууллагын үндэс гэж үздэг. Тэрээр удирдагч хүн нээлттэй байж, хариуд нь ил тод байдал, хариуцлагыг шаардах ёстой гэж итгэдэг. Мөн тэвчээргүй байдлыг сул тал бус, өнөөдөр үр дүн гаргах, сайжрах эрмэлзэл хэмээн хардаг. Гэхдээ үйлдэл дээр хурдтай, үр дүн дээр тэвчээртэй байх ёстойг онцолдог. Түүний хувьд санал шүүмжлэл нь эелдэг боловч шулуун, үнэнч байх ёстой бөгөөд ажилтнуудаа өөрийнх нь өнцгөөс асуудлыг харж, нэг шат дээшлэн сэтгэхийг уриалдаг. Ингэснээр шийдвэр илүү бодитой болж, байгууллагын дотоод итгэлцэл бэхэждэг гэж үздэг.

Олон арван жил нэг компанид ажиллаж, дээд удирдлагын түвшинд хүрсэн Mars компанийн гүйцэтгэх захирал Пол Вайхраухын хувьд хамгийн том өөрчлөлт нь өөрөө бүхнийг хийдэг удирдагчаас, бусдыг удирддаг удирдагч болох явдал байжээ. Өнөөдөр тэрээр амжилтыг хувийн оролцоогоор бус, багаа хэрхэн чадавхжуулж, зөв ойлголцол, чанартай яриа хэлэлцүүлэг бий болгож байгаагаар хэмждэг. Түүний баг тогтмол хэцүү шийдвэрүүдийг урьдчилан хэлэлцэж, зан төлөв, харилцааны асуудлыг ч ил тод ярилцдаг. Гэхдээ гүйцэтгэх захирлын хувьд компанийн эрх ашгийг нэгдүгээрт тавих ёстойг онцолж, шаардлагатай үед сайн харилцаатай ч гэлээ тохирохгүй удирдагчтай салах зориг хэрэгтэйг онцолжээ.

Keppel компанийн гүйцэтгэх захирал Ло Чин Хуа олон жилийн турш компанийнхаа томоохон өөрчлөлтийг удирдахдаа өөртөө хэт хатуу хандахаас зайлсхийж, үйл явцад итгэх хандлагыг баримталж иржээ. Тэрээр зарим үед өөрийгөө гаднаас нь харж, том зургаар сэтгэх нь дарамтыг даван туулахад тусалдаг гэж үздэг. Зах зээлийн богино хугацааны үнэлгээнд бус, өөрсдийн хийж буй зөв үйлдэлд төвлөрөх нь урт хугацаанд үр дүнгээ өгнө гэдэгт итгэдэг. Өдөр тутмын ажилдаа тэрээр зөвхөн өөрийн бодитоор үнэ цэнэ нэмж чадна гэж үзсэн хэсэгтээ оролцож, бусдыг итгэлтэйгээр ажлаа хийх боломж олгодог.

Данийн био шинжлэх ухааны компанийн гүйцэтгэх захирал Эстер Байгет удирдагч хүний ажлыг бүх хариултыг мэдэх бус, зөв асуултыг тавьж чаддаг байхтай холбодог гэжээ. Тэрээр олон улсын байгууллагууд, бизнесийн хүрээлэлтэй идэвхтэй харилцаж, дэлхийд өрнөж буй дохио, чиг хандлагыг анзаарч, түүнийг компанийн стратегид шингээхийг өөрийн гол үүрэг гэж үздэг. Түүний ойлголтоор гүйцэтгэх захирлын ажил бол гадагш гарч, мэдэрч, холбож, харсан зүйлээ буцааж байгууллагадаа авчрах явдал юм. Геополитик, экспортын хязгаарлалт, стратегийн ашиг сонирхлын огтлолцолд орших ASML компанийн гүйцэтгэх захирал Кристоф Фукеда руу байдал, төвлөрлийг орчин үеийн манлайллын гол чанар гэж тодорхойлдог.

Түүний хэлснээр удирдагч хүн макро эдийн засаг, олон улсын улс төрийг хянаж чадахгүй ч бүтээгдэхүүн, харилцаа, ирээдүйд чухал зах зээлийг хянах боломжтой. Эдгээрийг зөв удирдаж чадвал түр зуурын бэрхшээл байсан ч нөхцөл байдал эцэстээ сайжирна гэж үздэг. Мөн өөрийгөө бусдад батлах хэрэгцээнээс ангижирснаар илүү чөлөөтэй сэтгэж, бүтээлч шийдэл гаргах орон зай үүсдэг хэмээн онцолдог.

Hindustan Unilever компанийн гүйцэтгэх захирлаар ажиллаж байсан Рохит Жава өөрийн урт хугацааны карьерыг өнөөдрийн гүйцэтгэл, маргаашийн өөрчлөлтийг зэрэг удирдах чадвартай холбон тайлбарладаг. Тэрээр тав, арван жил тутамд өөрөөсөө “Би цааш хэрхэн өсөх вэ” гэж асууж, шаардлагатай ур чадвараа зориудаар хөгжүүлж иржээ. Үнэт зүйлс нь тогтвортой үлдсэн ч, олон улс дамнан ажилласан туршлага нь уян хатан байдал, өөрийгөө эргэцүүлэх чадварыг нь гүнзгийрүүлсэн байна. Тогтмол уншиж, дахин эргэцүүлж, өмнө нь амжилт авчирсан зүйл цаашид заавал үр дүн өгөхгүй байж болохыг ухамсарлах нь түүний хувьд тасралтгүй хөгжлийн үндэс юм.

Эдгээр зургаан гүйцэтгэх захирлын туршлагаас харахад өнөөгийн манлайлал нь эрх мэдэл, хяналтаас илүүтэй итгэлцэл, төвлөрөл, өөрийгөө таних чадварт тулгуурлаж байна. Гадаад орчин хэчнээн тогтворгүй байсан ч удирдагч хүн дотоод төвөө олж, өөрийн хянаж чадах зүйлдээ төвлөрч чадвал баг, байгууллагаа тогтвортой урагшлуулах боломжтой юм.

Энэхүү нийтлэл нь “The New York Times” сонинд 2025.12.15-нд нийтлэгдсэнийг албан ёсны эрхтэйгээр орчуулан хүргэв. Нийтлэлийн зохиогч: Jean-François Manzoni

Орчуулсан: М.Мядагбадам, Өдрийн сонин

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 1 цаг 8 мин Мэдээж “Ар нь түүз!” 1 цаг 19 мин И-спорт болон оюуны спортын Азийн анхдугаар наадмыг 2027 онд зохион байгуулна 1 цаг 37 мин Улаанбаатарт өдөртөө 8 хэм хүйтэн 1 цаг 44 мин Аймгуудын өрсөлдөх чадварын 2026 оны тайлангийн үр дүнг танилцуулна 1 цаг 48 мин Д.Трамп Хятадад Ким Жөн Унтай уулзаж магадгүй гэв 1 цаг 53 мин Тайванийн Гадаад хэргийн сайд АНУ-д хоёр дахь удаагаа очжээ 1 цаг 58 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 2 цаг 3 мин Д.Медведев улирлын хаалтын тэмцээнийг хожлоор эхлүүллээ 17 цаг 2 мин “Вояжер-1” сансрын төхөөрөмж түүхэн дээд амжилт тогтооход ойрхон байна 17 цаг 6 мин Голомт банк “Euromoney Awards”-ын дөрвөн төрөлд шилдгээр шалгарлаа 20 цаг 51 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 21 цаг 5 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 21 цаг 17 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
С.Бямбадорж: Төрийн тамганы хөшөөг нурааж, АН тугаа тайрч ог... Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... З.Мэндсайхан: Тэтгэвэр, цалингийн нэмэгдлээр дамжуулан ажлын... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа У.Хүрэлсүх: Гүтгэлэг худал болохыг нотлохын тулд ажлаа өгч б... Элсэн манханыг тогтворжуулах, элсний нүүдлийг зогсоохоор ажи... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн
Top