Дэлхийн зах зээлд платин буюу цагаан алтны үнэ өнгөрсөн долоо хоногт огцом өсөж, 2011 оны наймдугаар сараас хойших хамгийн өндөр түвшинд хүрлээ.
Зах зээлийн мэдээллээс үзвэл, ирэх оны нэгдүгээр сард нийлүүлэх фьючерсийн нэг трой унцийн үнэ 1,900 ам.долларт хүрсэн байна.
TradingView платформын мэдээлснээр, цагаан алтны үнэ он гарснаас хойш 55.5 хувиар өсөөд байгаа нь хөрөнгө оруулагчдын анхаарлыг татаж байна. Платин нь автомашин, үнэт эдлэл болон үйлдвэрлэлийн салбарт өргөн хэрэглэгддэг стратегийн түүхий эд бөгөөд нийлүүлэлтийн хязгаарлалт, эрэлтийн өсөлт үнэ өсөхөд нөлөөлсөн гэж шинжээчид тайлбарлажээ.
