x

Нэг ажилтанд ногдох сарын дундаж нэрлэсэн цалин 2.7 сая төгрөг байна

Улсын хэмжээнд 2025 оны 3 дугаар улирлын байдлаар нэг ажилтанд ногдох сарын дундаж нэрлэсэн цалин 2 сая 714 мянган төгрөг байгааг Үндэсний статистикийн хорооноос мэдээллээ.

Харин үндсэн цалингийн дундаж 2 сая 456 мянган төгрөг, голч цалин 2 сая 312 мянган төгрөг байна.

Дундаж цалинг энэ улиралд шинэчилсэн аргачлалаар тооцсон бөгөөд өмнөх онуудтай шууд харьцуулах боломжгүй. Улмаар 2025 оны 1, 2 дугаар улирлын сарын дундаж цалин тооцох аргачлалыг өөрчлөн, тоог засварласан хэмээн мэргэжлийн байгууллага тайлбарлажээ. Гэхдээ энэ оны 2 дугаар  улирлынхтай харьцуулахад сарын дундаж нэрлэсэн цалин 26.8 мянган төгрөгөөр буурчээ. Гуравдугаар улирал /7,8,9 сар/-д цалин буурсан шалтгааныг боловсролын салбарын ажилтнуудын зуны амралт таарч Нийгмийн даатгалын ерөнхий газар (НДЕГ)-ын нийгмийн даатгалын шимтгэл (НДШ)-ийн тайланд хамрагдагсдын тоо 2 дугаар улирлаас буурсантай холбоотой гэж ҮСХ үзжээ.

Ажиллагчдын сарын дундаж нэрлэсэн цалин болон голч цалинг эдийн засгийн үйл ажиллагааны салбарын ангиллаар авч үзвэл уул уурхай, олборлолтын салбарын ажиллагчдынх хамгийн их, зочид буудал, байр, сууц, нийтийн хоолны үйлчилгээний салбарын ажиллагчдын цалин хамгийн бага хэвээр байна.

Уул уурхай, олборлолтын салбарт ажиллагчдын цалин 4.9 сая төгрөг байгаа нь улсын дунджаас 79.5 хувиар их байна. Харин зочид буудал, байр, сууц, нийтийн хоолны үйлчилгээний салбарын ажиллагчдынх 1.8 сая төгрөг байгаа нь улсын дунджаас 32.6 хувиар бага байгаа аж.

Ажиллагчдын тоог цалингийн бүлгээр харвал, нийт даатгуулагчийн дотор 1.5-3.0 сая төгрөгийн цалинтай ажиллагчид хамгийн их 38.4 хувийг, 792.0 мянга хүртэлх төгрөгийн цалинтай ажиллагчид 9.1 хувийг эзэлжээ.

Сарын дундаж нэрлэсэн цалин тухайн байгууллагын ажиллагчдын тооноос шууд хамаардаг. Ажиллагчдын тоо ихсэх тутам сарын дундаж цалин нэмэгддэг онцлогтой.

Ажиллагчдын сарын дундаж нэрлэсэн цалин Төвийн бүс болон Улаанбаатар хотод улсын дунджаас 1.7-5.1 хувиар их байгаа юм. Баруун, Зүүн, Хангайн бүсэд 3-18.3 хувиар бага байна

Байгууллагын хариуцлагын хэлбэрээр авч үзэхэд, төрийн өмчит үйлдвэрийн газар, хувьцаат компани, орон нутгийн өмчит үйлдвэрийн газрын ажиллагчдын сарын дундаж нэрлэсэн цалин улсын дунджаас 97.5-545.2 мянган төгрөгөөр илүү байна.

Бусад байгууллагад ажиллагчдын сарын дундаж нэрлэсэн цалин улсын дунджаас 87.4-1263.7 мянган төгрөгөөр бага байгаа аж.

Сарын дундаж нэрлэсэн цалинг ажил, мэргэжлийн ангиллаар авч үзэхэд суурин төхөөрөмж, машин механизмын операторч, угсрагч ажил, мэргэжилтэй ажиллагчдын сарын дундаж цалин хамгийн их буюу 3.4 сая төгрөг байгаа нь улсын дунджаас 676.2 мянгаар их, ХАА, ой, загас агнуурын мэргэшсэн ажилтных 1.6 сая төгрөг байгаа нь улсын дунджаас 1.1 сая төгрөгөөр бага байна.

НДЕГ-ын НДШ төлөлтийн тайланд нийт 54.0 мянган аж ахуйн нэгж, байгууллага (ААНБ)-ын 835.4 мянган ажиллагч хамрагджээ. Нийгмийн даатгалын шимтгэл төлсөн ААНБ-ын тоо 2024 оны мөн үеийнхээс 3.8 хувиар өсжээ. Гэхдээ 2 дугаар улирлаас 0.8 хувь (456 мянга) -иар буурчээ.

Нийгмийн даатгалын шимтгэл төлөлтийн тайланд:

  • 122.7 мянга нь боловсролынх,
  • 116.0 мянга нь бөөний болон жижиглэн худалдаа, машин, мотоциклийн засвар үйлчилгээнийх,
  • 83.6 мянга нь төрийн удирдлага, батлан хамгаалах үйл ажиллагаа, албан журмын нийгмийн хамгааллынх,
  • 80.8 мянга нь боловсруулах үйлдвэрлэлийнх,
  • 52.1 мянга нь хүний эрүүл мэнд, нийгмийн халамжийнх,
  • 380.2 мянга нь бусад үйл ажиллагааны салбарын ажиллагчид байжээ.
iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 1 цаг 46 мин Мэдээж “Ар нь түүз!” 1 цаг 57 мин И-спорт болон оюуны спортын Азийн анхдугаар наадмыг 2027 онд зохион байгуулна 2 цаг 15 мин Улаанбаатарт өдөртөө 8 хэм хүйтэн 2 цаг 22 мин Аймгуудын өрсөлдөх чадварын 2026 оны тайлангийн үр дүнг танилцуулна 2 цаг 26 мин Д.Трамп Хятадад Ким Жөн Унтай уулзаж магадгүй гэв 2 цаг 31 мин Тайванийн Гадаад хэргийн сайд АНУ-д хоёр дахь удаагаа очжээ 2 цаг 36 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 2 цаг 41 мин Д.Медведев улирлын хаалтын тэмцээнийг хожлоор эхлүүллээ 17 цаг 40 мин “Вояжер-1” сансрын төхөөрөмж түүхэн дээд амжилт тогтооход ойрхон байна 17 цаг 44 мин Голомт банк “Euromoney Awards”-ын дөрвөн төрөлд шилдгээр шалгарлаа 21 цаг 29 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 21 цаг 43 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 21 цаг 55 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
С.Бямбадорж: Төрийн тамганы хөшөөг нурааж, АН тугаа тайрч ог... Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... З.Мэндсайхан: Тэтгэвэр, цалингийн нэмэгдлээр дамжуулан ажлын... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Элсэн манханыг тогтворжуулах, элсний нүүдлийг зогсоохоор ажи... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн
Top