Зохиомол оюун ухааны салбарын өсөлттэй холбоотой компаниудын хувьцааны үнэ олон улсын зах зээлд дахин огцом нэмэгдэж байна. АНУ-ын хөрөнгийн биржид Nvidia компанийн хувьцаа 5 хувиар өсөж, нэгж хувьцааны үнэ 195 ам.долларт хүрчээ. Үүнтэй зэрэгцэн AMD-ийн хувьцаа мөн 5 хувь, Intel-ийн хувьцаа 2 хувиар тус тус өссөн талаар Reuters мэдээлэв.

Nvidia компанийн улирлын санхүүгийн үзүүлэлтүүд зах зээлийн таамгаас өндөр гарсан нь технологийн салбарын өсөлтийг хурдасгаж, хөрөнгө оруулагчдын итгэлийг нэмэгдүүлсэн байна. Тус компани өмнөх улиралд 57 тэрбум ам.долларын ашиг олж, цэвэр орлого нь 31.9 тэрбум ам.долларт хүрсэн нь шинжээчдийн таамгийг давсан үзүүлэлт болов.

Ирэх улирлын төлөв байдал мөн өөдрөг байна. Nvidia компанийн шинэ таамаглалаар энэ улирлын орлого 65 тэрбум ам.долларт хүрэхээр байгаа нь шинжээчдийн үнэлгээнээс 3 тэрбум ам.доллараар өндөр дүн юм.

Түүнчлэн Nvidia компанийн гүйцэтгэх захирал Женсен Хуанг анх удаа “зохиомол оюун ухааны зах зээлд хэт хөөрөгдөл, хөөсрөл байхгүй” хэмээн мэдэгдсэн нь дэлхийн технологийн индекс, ялангуяа Азийн зах зээлд эерэг нөлөө үзүүлж, өсөлтийг улам нэмэгдүүлжээ.

Эх сурвалж: Officelife.media