Авто тээврийн хэрэгслийн техникийн байдлын хяналтын улсын үзлэгийн дүнгээр Монгол Улсад нийт 865 мянган авто тээврийн хэрэгсэл бүртгэлтэй байгааг Авто тээврийн үндэсний төв (АТҮТ) мэдээллээ. Энэ нь өнгөрсөн оны мөн үеийнхээс 2.5 хувиар өссөн үзүүлэлт юм.

Улс хоорондын зорчигч тээвэрлэлтийн үйл ажиллагаанд 22 аж ахуйн нэгж 13 чиглэлд 160 тээврийн хэрэгслээр үйлчилж, нийтдээ 27 мянга гаруй зорчигч тээвэрлэсэн байна. Харин хот хоорондын зорчигч тээвэрлэлтийг 55 аж ахуйн нэгж 63 чиглэлд 793 тээврийн хэрэгслээр гүйцэтгэж байгаа аж.

АТҮТ-ийн мэдээлснээр, энэ онд 1.6 сая зорчигч тээвэрлэх төлөвлөгөө гаргаснаас 84 хувийг буюу 1.35 сая зорчигчийг өнөөгийн байдлаар тээвэрлээд байна.

Мөн улс хоорондын байнгын ачаа тээвэрлэлтийн чиглэлд 639 аж ахуйн нэгж 10 чиглэлд нийт 17,855 хүнд даацын тээврийн хэрэгслээр үйл ажиллагаа явуулж байгаа бөгөөд зөвхөн “С” төрлийн зөвшөөрлийн бичигтэй, шаардлага хангасан тээвэрлэгчид ачаа тээвэрлэж байгаа гэж мэдээлэв.

Эх сурвалж: Авто тээврийн үндэсний төв