2025 оны эхний долоон сард Монгол Улс нийт 152 улстай худалдаа хийж, экспорт 7.8 тэрбум ам.доллар, импорт 6.5 тэрбум ам.долларт хүрлээ. Энэ нь өмнөх оны мөн үеийнхтэй харьцуулахад экспорт буурч, импорт өссөн үзүүлэлттэй байна. Экспортын бууралтад нүүрс 2.4 тэрбум, угаасан ноолуур 200.2 сая, боловсруулаагүй газрын тос 35.5 сая, мах 25.9 сая, төмрийн хүдэр, баяжмал 15.5 сая ам.долларын уналт голлон нөлөөлөв. Харин зэсийн хүдэр, баяжмал 1.1 тэрбум, самнасан үс, хялгас 42.6 сая, цайрын хүдэр, баяжмал 31.4 сая ам.доллараар нэмэгджээ.

Импортын өсөлтөд суудлын автомашин 190.5 сая, тээврийн хэрэгслийн сэлбэг 20.1 сая, согтууруулах ундаа 14.7 сая, эм 13 сая, гар утас 12.2 сая ам.доллараар нэмэгдсэн нь нөлөөлсөн бол ачааны автомашин 72 сая, дизелийн түлш 54.7 сая ам.доллараар буурсан байна. Импортын 38.7 хувийг БНХАУ, 23 хувийг ОХУ, 12.3 хувийг Япон бүрдүүлэв. Экспортын 71.8 хувь Гашуунсухайт, Замын-Үүд боомтоор, импортын 74.3 хувь Замын-Үүд, Сүхбаатар боомтоор хийгджээ.

Эх сурвалж: Үндэсний статистикийн хороо