Улаанбаатар хот, Дархан-Уул, Булган, Орхон, Сэлэнгэ, Төв, Хөвсгөл аймгийн сум, дүүрэгт арвин ашиг шимтэй, цэвэр үүлдэр болон сайжруулсан үхрийг өсгөн үржүүлж буй иргэн, аж ахуй нэгжийн сүргийг бүртгэж эхэллээ.
Ингэснээр гарал үүсэл тодорхой эрүүл баталгаатай мал, мах, сүүг зах зээлд борлуулах, малын гаралтай түүхий эд бүтээгдэхүүнийг мөрдөн мөшгих, эрүүл аюулгүй хүнс хэрэглэх боломж бүрдэх юм. “Малын генетик нөөцийн тухай хууль”-ийн дагуу малыг давхардуулахгүйгээр тэмдэг тавьж, ялган дугаарлаж, бүртгэн, мэдээллийн нэгдсэн сан бүрдүүлэх, хяналт тавих тогтолцоо бүрдүүлээд байгаа билээ.
Үндэсний статистикийн хорооны мэдээллээр манай улсад өнгөрсөн оны эцсийн байдлаар малын тоо толгой 57.6 саяд хүрсэн нь өмнөх оныхоос 7 сая толгойгоор буюу 10.9 хувиар багасжээ. Тодруулбал, адуу 4.7 сая болж 3.1, үхэр 5.1 сая болж 5.2, хонь 24.5 сая болж 16.7, ямаа 22.9 сая болж 6.9 хувиар багассан байна. Харин тэмээний тоо толгой 480.6 мянга болж 1.4 хувиар нэмэгдсэн аж.
