Өмнө нь зээлдэгчийн мэдээллийг мэдээллийн санд төвлөрүүлдэг ч түүнийг ашиглах, онооны аргачлалыг батлуулах эрх зүйн зохицуулалтгүй байв. Шинэ өөрчлөлтөөр зээлдэгчийн зээлжих чадвар, бүтээгдэхүүн, үйлчилгээний хөлсийг тогтоох, зээлийн мэдээллийг зөвхөн зээлжих чадварын зэрэглэл тогтооход ашиглах, бусад зорилгоор ашиглахыг хориглох заалт оржээ.

Хууль хэрэгжсэнээр иргэд зээлийн оноогоо мэдэх, нэмэгдүүлэхийн тулд хугацаандаа төлбөрөө төлөх соёлыг төлөвшүүлэх, санхүүгийн сахилга хариуцлага дээшлэх, зээлийн мэдээлэлд алдаа орсон бол тухай бүр засварлуулах боломж бүрдэнэ.

Одоогоор зээлийн мэдээллийн санд 12 банк, 436 банк бус санхүүгийн байгууллага, харилцаа холбооны компани, төрийн болон хувийн байгууллагаас мэдээлэл нийлүүлж, 1.6 сая иргэн, 19.6 мянган аж ахуйн нэгжийн зээлийн мэдээлэл хадгалагдаж байна.

Эх сурвалж: УИХ-ын Хэвлэл мэдээллийн газар