Үндэсний статистикийн хорооноос мэдээлснээр, 2025 оны 7 дугаар сард улсын хэмжээнд хэрэглээний бараа, үйлчилгээний үнэ өмнөх оны мөн үеэс 8.1 хувиар өсөж, өмнөх сараас 0.1 хувиар буурлаа. Барааны бүлгийн үнэ 5.4%, үйлчилгээний бүлгийн үнэ 16.6%, хүнсний бүлгийн үнэ 6.4%, хүнсний бус бүлгийн үнэ 8.8% өссөн байна.

Төвийн бүсэд барааны бүлгийн үнэ 6.0%, Улаанбаатар хотод үйлчилгээний бүлгийн үнэ 18.2%, хүнсний бүлгийн үнэ 7.4%, хүнсний бус бүлгийн үнэ 10.1% өссөн нь хамгийн өндөр үзүүлэлт болов.

Инфляцын түвшин 2024 оны 7 дугаар сард 5.1% байсан бол энэ оны мөн сард 8.1% болж, өсөлтийн хурдац 3.0 нэгж хувиар нэмэгдэв. Үнийн өсөлтөд бензин, түлшнээс бусад импортын барааны үнэ 2.1 нэгж хувиар, мах болон хатуу түлшнээс бусад дотоодын барааны үнэ 4.9 нэгж хувиар голлон нөлөөлжээ.

Эх сурвалж: Үндэсний статистикийн хороо