Монгол Улсын Ерөнхий сайд Г.Занданшатар болон Монголбанкны Ерөнхийлөгч Б.Лхагвасүрэн нар ахмадуудын тэтгэврийн зээлд ямар нэгэн хязгаарлалт тавихгүй байх чиглэлд санал нэгдлээ. Сүүлийн үед ахмад настнууд тэтгэврийн зээлийг 50\50 буюу өр орлогын харьцаагаар хязгаарласан зохицуулалтыг эсэргүүцэж, хэрэглээний зээлийн нийтлэг хязгаарлалтаас тэтгэврийн зээлийг гаргах хүсэлтэй байгаагаа илэрхийлсэн юм. Тэдний энэ шаардлагыг харгалзан үзэж, шийдвэрлэх боломжтой гэж талууд үзсэн байна.
Монголбанкны Мөнгөний бодлогын зөвлөл ирэх даваа гарагт тэтгэвэр барьцаалсан зээлийн асуудлыг дахин хэлэлцэхээр төлөвлөжээ. Мөн Ерөнхий сайд Г.Занданшатар тэтгэврийн зээлийн хүүг бууруулах чиглэлд Монголбанк Гэр бүл, хөдөлмөр, нийгмийн хамгааллын яамтай хамтран ажиллахыг хүссэн байна.
Эх сурвалж: Монголбанк
Сэтгэгдэл (6)