Зуны амралтын улирал эхэлсэнтэй холбогдуулан иргэд гол, нуур, усны ойролцоо амарч, зугаалах нь ихэсдэг. Үүнтэй уялдуулан Онцгой байдлын байгууллагын алба хаагчид аюулгүй байдлыг хангах зорилгоор байнгын эргүүл, хяналтын үүрэг гүйцэтгэж байна.

Тэд иргэдийг гол, усны орчимд болзошгүй осол, эрсдэлээс урьдчилан сэргийлэх зорилгоор мэргэжлийн заавар, зөвлөмж өгч ажиллаж байгаа бөгөөд амрагч, аялагчид эдгээр зөвлөмжийг чандлан мөрдөх нь өөрийн болон ойр дотныхныхоо амь нас, эрүүл мэндийг хамгаалах чухал алхам юм.

Иймд иргэд та бүхэн:

• Усан орчны аюулгүй байдлын анхааруулгыг дагах

• Согтууруулах ундаа хэрэглэсэн үедээ усанд орохгүй байх

• Хүүхдийг хараа хяналтгүй орхихгүй байх

• Хөвөгч хэрэгслийг зориулалтын дагуу хэрэглэх

• Гэнэтийн ослын үед холбогдох байгууллагад шуурхай мэдэгдэх
  зэрэг анхан шатны дүрэм, зөвлөмжийг мөрдөхийг Онцгой байдлын албанаас зөвлөж байна.

Энэ бол таны болон бусдын амь насыг аврах нэг алхам байж мэднэ.

Эх сурвалж: Онцгой байдлын ерөнхий газар