Дэлхийн хөрөнгийн зах зээлд компаниудыг олон нийтэд нээлттэй арилжаалах IPO үйл ажиллагаа эрс удааширч, сүүлийн есөн жилийн доод хэмжээнд хүрээд байна. 2025 оны эхнээс зургаадугаар сарын 17 хүртэлх хугацаанд нийт IPO-оос олсон хөрөнгө 44.3 тэрбум ам.долларт хүрч, өнгөрсөн жилийнхээс 9.3 хувиар буурсан үзүүлэлт гарсан талаар Reuters мэдээлжээ.
Ийм уналтад хэд хэдэн хүчин зүйлс нөлөөлжээ. Тухайлбал:
-
Тарифын болон худалдааны маргаан
-
Ханшийн огцом өсөлт
-
Биржүүдийн тогтворгүй байдал
Хамгийн их уналт Европт гарч, тус бүсийн IPO 64 хувиар буурч 5.8 тэрбум ам.доллар болсон байна. АНУ-д мөн бууралт ажиглагдаж, 12 хувиар багасч 12.3 тэрбум болсон. Харин Ази, Номхон далайн бүсийн хувьд харьцангуй тогтвортой байж, бүр 28 хувийн өсөлттэйгөөр 16.8 тэрбум ам.доллар хүрсэн нь бүс нутгийн хөрөнгө оруулалтын орчны харьцангуй тогтвортой байдалтай холбоотой гэж ажиглагчид тайлбарлаж байна.
Эх сурвалжууд: Reuters
Сэтгэгдэл (8)