Өвөрхангай аймаг 2025 онд нийт 18820 га талбайд тариалалт хийх зорилт дэвшүүлсэн ч зургаадугаар сарын 6-ны байдлаар 4961 га талбайд л тариалалт хийж, зорилтын 26.3 хувийг гүйцэтгээд байна.

Тодруулбал, дараах байдлаар тариалалт хийгджээ:

• 3600 га талбайд улаан буудай

• 7 га талбайд бусад үр тариа

• 282 га талбайд төмс

• 167 га талбайд хүнсний ногоо

• 0.3 га талбайд жимс жимсгэнэ

• 5 га талбайд малын тэжээл

• 900 га талбайд тосны ургамал

Аймгийн Хүнс, хөдөө аж ахуйн газрын Газар тариалангийн асуудал хариуцсан ахлах мэргэжилтэн Н.Алтанцэцэгийн мэдээлснээр, дөрөв, тавдугаар сард цаг агаар тогтворгүй, хүйтэн байсан, хөрсний температур хангалттай дулаараагүй тул тариалалтын ажил төлөвлөгдсөн хугацаанаас хойшлогдсон байна. Энэ нь үрийн соёололт, ургалтад шууд нөлөөлөх чухал хүчин зүйл болдог.

Одоогоор үргэлжлүүлэн тариалах ажлыг эрчимжүүлж, хугацаанд нь амжуулж дуусгахаар ажиллаж байна.