Засгийн газрын 2025 оны 47 дугаар тогтоолоор баталсан “Атрын-IV тариалангийн тогтвортой хөгжлийн аян”-ы хүрээнд энэ онд улсын хэмжээнд нийт 655.5 мянган га талбайд тариалалт хийх зорилт тавигдсан. Үүний дотор:

• Үр тариа – 360.7 мянган га (үүнээс улаанбуудай 310.1 мянган га)

• Төмс – 20.1 мянган га

• Хүнсний ногоо – 18.8 мянган га

• Малын тэжээл – 144.1 мянган га

• Тосны ургамал – 103.7 мянган га

• Жимс жимсгэнэ – 7.9 мянган га (өссөн дүнгээр)

Хүнс, хөдөө аж ахуй, хөнгөн үйлдвэрийн яамнаас энэ зорилтын хүрээнд аймгуудад технологийн хугацаанд үр ашигтай тариалалт зохион байгуулах чиглэлээр тодорхой үүрэг, чиглэл өгөөд байна.

2025 оны зургаадугаар сарын 3-ны өдрийн байдлаар улсын хэмжээнд 351.2 мянган га талбайд тариалалт хийгдээд байгаа нь нийт төлөвлөгөөний 54.4 хувь-тай тэнцэж байна. Үүнээс:

• Улаанбуудай – 232.8 мянган га буюу 75.1 хувь

• Төмс – 7.8 мянган га буюу 38.9 хувь

• Хүнсний ногоо – 5.9 мянган га буюу 31.4 хувь

• Малын тэжээл – 17.5 мянган га буюу 12.17 хувь

• Тосны таримал – 65.4 мянган га буюу 63.1 хувь

Хаврын тариалалтын үндсэн үе шат ид өрнөж байгаа энэ цаг үед салбарын яамнаас төлөвлөсөн арга хэмжээ, хуваарийн дагуу үргэлжлүүлэн гүйцэтгэлийг нэмэгдүүлэх, технологийн дэглэмийг чанд баримтлах, ургацын чанар, хэмжээг ахиулахыг зорин ажиллаж байна.

Эх сурвалж: Хүнс, хөдөө аж ахуй, хөнгөн үйлдвэрийн яам.