Сүүлийн хоёр жилийн хугацаанд Дорнод аймагт улсын төсвийн хөрөнгө оруулалтаар хэрэгжүүлж буй 12 бүтээн байгуулалтын ажлаас хоёр нь царцсан байдалтай байгаа талаар аймгийн Засаг даргын Тамгын газрын Хөрөнгө оруулалт, хөгжлийн бодлогын хэлтсээс мэдээллээ.

Царцсан хоёр төсөл нь Хэрлэн сумын 3-р багт баригдаж буй 640 хүүхдийн Ерөнхий боловсролын сургуулийн барилга (одоогоор 25 хувийн гүйцэтгэлтэй), мөн ижил багт баригдаж буй музейн барилга бөгөөд сүүлийнх нь энэ онд улсын төсөвт хөрөнгө тусгаагүй тул ажил зогсоод байгаа аж.

Харин бусад ажлууд дараах байдлаар үргэлжилж байна:

• Аймгийн зүүн захын усан бассейн бүхий спорт цогцолбор – 90 хувь

• Цагаан-Овоо сумын 150 ортой цэцэрлэгийн барилга – 90 хувь

• Баян-Уул сумын 150 ортой дотуур байр – 70 хувь

• Хэрлэн сумын 11-р багийн 150 хүүхдийн цэцэрлэгийн барилга – 70 хувь

• 1800 айлын орон сууцны хорооллын гадна дулааны шугам – 30 хувь

• Цахилгаан хангамж, инженерийн шугам сүлжээ – 60 хувь

• “Шинэ хөгжил” цогцолбор сургуулийн өргөтгөл (320 хүүхдийн суудалтай) – 15 хувь

• 12-р сургуулийн бага ангийн барилга – 30 хувь

• Сэргэлэн сумын сургуулийн өргөтгөл – 30 хувь

• Аймгийн төвийн ус хангамжийн шинэчлэлийн ажил – 30 гаруй хувь

Эдгээр бүтээн байгуулалтуудын ихэнх нь барилгын ажлын ид үе шатандаа яваа бөгөөд гүйцэтгэл харилцан адилгүй байгаа ч үндсэндээ хэвийн үргэлжилж байна гэж холбогдох байгууллагаас мэдэгдлээ.

Эх сурвалж: Дорнод аймгийн ЗДТГ-ын Хөрөнгө оруулалт, хөгжлийн бодлогын хэлтэс