x

Л.Оюун-Эрдэнэ ба МАН

Л.ОЮУН-ЭРДЭНЭ VS Лу.ГАНТӨМӨР

Гурван сарын өмнө байх, би ёртой юм шиг хэлж байсан даа. Хамтарсан засгийг хөмрөх хүн нь АН, Лу.Гантөмөр биш ээ. МАН-ынхан өөрсдөө. Идсэн уусандаа хахаж цацаад, гэдсэндээ хөлөө хийлцээд ирэхийн цагт өөрсдөө хоолныхоо ширээг хөмөрнө өө гэж. Яг л тэр ёсоор болов. Л.Оюун-Эрдэнэ, түүний хүү хоёр орлогоо нотолж чадаагүйн төлөө АН, ХҮН хоёр засгаас хөөгдөхөөр болж байх шиг байна. Өчигдөр болсон МАН-ын бүлгийн хурал дээр болсон яриа үүний нотолгоо. Бүлгийнх нь гишүүд "Өргөдлөө өг" гэсэн чинь мань хүн "Өргөдлөө өгөхгүй, оронд АН, ХҮН-ыг засгаас явуулъя" гэсэн тухай...

Эхлээд том хүүгийнхээ хэтийдсэн тансаглал дээр нэг удаа халтирсан Ерөнхий сайдтан жагсаал хийж байгаа залуусыг "ялаанууд" гэж хэлээд хоёр дахиа, өчигдөр бүлгийнхээ хурал дээр "АН, ХҮН хоёрыг засгаас явуулья" гэж хэлээд гурав дахиа халтирав. Ингэж ойр ойрхон, олон удаа дагзаараа савж унаад байвал Л.Оюун-Эрдэнэ байтугай эрүүл хүний толгой ч хэвийн ажиллахгүй. МАН даргын хүүхэд хоолондоо цацсаны төлөө МАН биш, АН, ХҮН хоёр ялыг нь үүрэх нь Монголд л байдаг "соёл" юм даа.

Тэгээд засгаас хөөгдөж буй Л.Гантөмөр, Т.Доржханд хоёрыг л өчигдөр оройжин нийтээрээ элдэвлэх шиг боллоо. Буруутгах ч үндэс алга. Дийлдгээ л зодож, итгэсэндээ туньдаг нь хүний ёс. Яалт ч үгүй өнгөрсөн 10 сарын хугацаанд улс төрд сөрөг хүчин үгүйлэгдсэний, иргэдийн талд зогсох хүч үлдээгүйн илэрхийлэл. Гэхдээ АН-ын сайд нар энэ засагт ажилласан шиг ажилласан. Р.Эрдэнэбүрэн, Ц.Баатархүү, Ж.Батсуурь...

Л.Гантөмөр өөрөө Тэргүүн шадар сайдын хувьд ачааны хүндийг үүрч, хоёр талаас ирэх галыг хааж явсан. Нам дотор нь өөрийг нь огцруулах тухай яриа гарахад хүртэл "Хамтарсан засаг надтай надгүй явна. АН тийм ч чадавхигүй нам биш шүү. Огцруулья гэвэл ганцхан өдрийн ажил" гэж хариулж байсныг санаж л байна. Түүний хувьд Л.Оюун-Эрдэнэ, Лу.Гантөмөр гэдэг хоёр хүний хамтрал биш, хоёр намын баталсан төлөвлөгөө, Засгийн газрын өмнөө тавьсан зорилт нэгдүгээр асуудал байсан. Лу.Гантөмөр, Л.Оюун-Эрдэнэ гэдэг хоёр хүний ялгаа ердөө л энэ.

Л.ОЮУН-ЭРДЭНЭ ба МАН

Бас нэг хачирхалтай зүйл нь өчигдөр МАН-ын бүлгийн хуралдаанд оролцосн Ерөнхий сайд “Энэ асуудлыг УИХ дээр биш, нам дээр хэлэлцье, намын Бага хурлыг хуралдуулья” гэсэн байна. Эрх биш намын даргын эрх мэдэл байна, яаж ийгээд хар толгойгоо аварна” гэж тооцсон байх л даа. Гэсэн ч энэ нь намын бүлгийн зарим гишүүнд таалагдсангүй. Б.Энхбаяр гишүүн “Таны гэр бүл, үр хүүхэдтэй холбоотой асуудлыг ярьдаг газар нам биш. Өөрийнхөө асуудлыг нийтийн зовлон болгох хэрэггүй" гэжээ. Үнэндээ бол тийм. Гэсэн ч МАН-ын бага хурал хуралдах болсон тухай зарим нэг сайтаар мэдээлээд эхэлсэн.

Одоо яригдаж байгаа асуудал бол Л.Оюун-Эрдэнэ намын дарга байх уу, үгүй юу биш. Орлогоо нотлох уу, огцрох уу гэдэг сонголт. Учир нь Л.Оюун-Эрдэнийн гэр бүлийн орлогыг нотлох, батлах үүргийг МАН хүлээхгүй. Хуулийн байгууллага шалгаад, УИХ хэлэлцээд шийдвэр гаргачих асуудал дээр “Бага хурал хуралдуулна” гэж байгаагаас үзвэл Л.Оюун-Эрдэнэ гэдэг хүн нэгэнт үнэнд гүйцэгдсэн нь тодорхой байна. Тиймээс хэрвээ энэ асуудлыг МАН-ын бага хурал руу оруулбал жинхэнээсээ “нийтийн зовлон” буюу намын асуудал болж хувирна. МАН-ын дарга, Ерөнхий сайд нь иргэдээ “ялаа”-гаар нь дуудсан нь тус намд хангалттай.

Бас нэг зүйлийг баталгаатай хэлье. Өчигдөр болсон бүлгийн хурал дээр нөгөө Тавантолгой, Баялгийн сан, Хууль бусаар хөрөнгөжсөн хүмүүсийн хөрөнгийг хураах тухай хуулийн төслийн талаар нэг ч удаа яригдаагүй. Зөвхөн Л.Оюун-Эрдэнэ үлдэх үү, үгүй юу, АН, ХҮН-ыг засгаас гаргах тухай л ярьсан. Энэ бол асуудлын бодит өнцөг.

Мэдээж МАН-ын Бага хурлыг хуралдаж болно. Гэхдээ Л.Оюун-Эрдэнийн огцрох, огцрохгүй асуудал шийдэгдсэний дараа, түүнийг АТГ-аар шалгуулаад, УИХ-ын 126 гишүүний өмнө тайлангаа тавьсны дараа. Тэр үед Л.Оюун-Эрдэнэ намын дарга байх эсэх, хамтарсан Засгийн газрыг үргэлжлүүлэх эсэх тухай МАН хэлэлцэх ёстой. Процесс нь ийм. Гэтэл хуулийн байгууллага шалгаж байгаа /өөрөө ч шалгуулна гэж амласан/ асуудал дээр МАН-ын Бага хурал, Удирдах зөвлөл хуралдвал юутай адилхан харагдах вэ?

Махны хулгайчийн тухай нэг үлгэр байдаг даа. Шөнө болгон айлын хатавчаар мах хулгайлдаг хулгайчийг барих гээд отож байгаад нэг шөнө тогооныхоо хөөгөөр гарт нь тэмдэг тавиад явуулсан чинь маргааш өглөө нь тэр хотны бүх хүний гар хөөтэй сэрдэг. Нөхөр өглөө болохоос амжаад хотныхоо бүх айлын хүмүүст унтаж байхад нь тэмдэг тавьчихдаг. 

Ингээд харахаар О.Тэмүүлэнг буруутгах ямар ч үндэслэл алга. Үр хүүхэд гэдэг гэрийнхээ хүмүүжлийг л дагаж, эцэг эхийнхээ алхсан мөрөөр алхдаг. Одоо Лондонд бас нэг мань шиг ядарсан амьтдыг “ялаа” болгоод, ханцуйгаар нь гутлаа арчаад явж байхыг үйгүйсгэхгүй. Өөр гэр бүлд төрж, өссөн бол арай илүү бүтээмжтэй хүн болох байсан ч юм билүү...?!

 

 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Lucy Sliver (94.242.50.56)
    HOW TO RECOVER STOLEN CRYPTOCURRENCY / HIRE A HACKER WHO CAN HELP YOU IN RECOVERY YOUR STOLEN FUNDS Having a reliable hacker matters a lot. I just thought about sharing this here to help other people that may need this kind of service. Losing crypto to online scammers is too rampant these days, scammers are getting more intelligent that's why getting a legitimate expert on recovery of stolen crypto is so difficult. Most people have been scammed several times and they give up on their funds. I'm hereby to let all scam victims know that recovery is possible when you contact the right source, i am saying this because I was a victim too. I recommend GEO COORDINATES RECOVERY HACKER, a hacker who is my trusted hacker because all the work I gave to them, came out successfully. I thank you immensely GEO COORDINATES RECOVERY HACKER for helping me recover my Lost cryptocurrency. You can as well contact them if you have similar issues through their Email Email: geovcoordinateshacker@gmail.com Website; https://geovcoordinateshac.wixsite.com/geo-coordinates-hack
    2025 оны 11 сарын 28 | Хариулах
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 1 цаг 38 мин Мэдээж “Ар нь түүз!” 1 цаг 49 мин И-спорт болон оюуны спортын Азийн анхдугаар наадмыг 2027 онд зохион байгуулна 2 цаг 7 мин Улаанбаатарт өдөртөө 8 хэм хүйтэн 2 цаг 14 мин Аймгуудын өрсөлдөх чадварын 2026 оны тайлангийн үр дүнг танилцуулна 2 цаг 18 мин Д.Трамп Хятадад Ким Жөн Унтай уулзаж магадгүй гэв 2 цаг 23 мин Тайванийн Гадаад хэргийн сайд АНУ-д хоёр дахь удаагаа очжээ 2 цаг 28 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 2 цаг 33 мин Д.Медведев улирлын хаалтын тэмцээнийг хожлоор эхлүүллээ 17 цаг 32 мин “Вояжер-1” сансрын төхөөрөмж түүхэн дээд амжилт тогтооход ойрхон байна 17 цаг 36 мин Голомт банк “Euromoney Awards”-ын дөрвөн төрөлд шилдгээр шалгарлаа 21 цаг 21 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 21 цаг 35 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 21 цаг 47 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
С.Бямбадорж: Төрийн тамганы хөшөөг нурааж, АН тугаа тайрч ог... Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... З.Мэндсайхан: Тэтгэвэр, цалингийн нэмэгдлээр дамжуулан ажлын... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Элсэн манханыг тогтворжуулах, элсний нүүдлийг зогсоохоор ажи... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн
Top