CNBC-ийн мэдээлснээр, АНУ болон Иран цөмийн хөтөлбөрийн асуудлаар тохиролцоонд хүрэх төлөвтэй байгаа нь олон улсын нефтийн зах зээлд нөлөөлж, газрын тосны үнэ пүрэв гарагт огцом унасан байна.
Тухайлбал:
-
Brent маркийн нефтийн үнэ долоодугаар сарын нийлүүлэлтээр 2.36% буурч, нэг торх нь 64.53 ам.доллар болжээ.
-
WTI маркийн нефть 2.42%-аар буурч, 61.62 ам.долларт хүрсэн байна.
Энэхүү хэлбэлзэл нь АНУ-ын Ерөнхийлөгч Дональд Трамп Катарын нийслэл Дохад мэдэгдэл хийх үеэрээ, Ирантай цөмийн хэлэлцээр байгуулахад ойртож байна гэж зарласантай холбоотой юм. “Бид Ирантай урт хугацааны энх тайвныг тогтоохын төлөө нухацтай хэлэлцэж байна” хэмээн Д.Трамп мэдэгдсэн байна.
Ираны дээд удирдагчийн ахлах зөвлөх NBC News-д өгсөн ярилцлагадаа, эдийн засгийн хоригийг цуцлах нөхцөлтэй цөмийн хэлэлцээрт гарын үсэг зурахад бэлэн байгаагаа илэрхийлснээс хойш нефтийн ханшид шууд нөлөөлсөн байна.
PVM компанийн шинжээч Тамас Варга “Цөмийн хэлэлцээрт хүрэх магадлал бол өнөө өглөө нефтийн ханш буурсан цорын ганц шалтгаан. Хэрэв тохиролцоонд хүрвэл Иран улс уран баяжуулалтаа зогсоож, түүхий нефтийн экспорт нь өдөрт 1 сая торхоор нэмэгдэнэ. Энэ нь нийлүүлэлтийн тал дээр шууд нөлөө үзүүлнэ” хэмээн онцолсон юм.
Ираны нефтийн экспорт нэмэгдэнэ гэсэн хүлээлт нь зах зээл дээр нийлүүлэлт өснө гэсэн таамаглал үүсгэж, үнэ буурахад хүргэсэн нь энэхүү зах зээлийн савлагааны гол шалтгаан болж байна.
Эх сурвалж: CNBC
