Үндэсний статистикийн хорооноос мэдээлснээр Монгол Улс 2025 оны эхний дөрвөн сард 135 улстай худалдаа хийж, нийт гадаад худалдааны бараа эргэлт 7.8 тэрбум ам.долларт хүрсэн байна. Үүнээс:

• Экспорт: 4.2 тэрбум ам.доллар

• Импорт: 3.6 тэрбум ам.доллар

• Гадаад худалдааны тэнцэл: 683.2 сая ам.долларын эерэг үзүүлэлттэй гарчээ.

Экспортын бууралтад нөлөөлсөн хүчин зүйлс

Экспорт өмнөх оны мөн үеэс 695.0 сая ам.доллараар буурсан. Үүнд дараах бүтээгдэхүүний бууралт голлон нөлөөлжээ:

• Нүүрс: -1.2 тэрбум ам.доллар

• Боловсруулаагүй газрын тос: -25.5 сая ам.доллар

• Хонь, ямааны мах: -20.2 сая ам.доллар

• Төмрийн хүдэр, баяжмал: -13.5 сая ам.доллар

• Самнасан үс, хялгас: -10.5 сая ам.доллар

Экспорт нэмэгдсэн бүтээгдэхүүн

• Зэсийн хүдэр, баяжмал: +501.8 сая ам.доллар

• Жоншны хүдэр, баяжмал: +32.5 сая ам.доллар

• Цайрын хүдэр, баяжмал: +31.2 сая ам.доллар

Экспортын 96.4 хувийг үнэт металл, гоёлын зүйлс болон үндсэн төмөрлөг, түүгээр хийсэн бүтээгдэхүүн эзэлжээ. Зэсийн хүдэр, баяжмалын экспортын хилийн дундаж үнэ тонн тутамд 2093.3 ам.доллар, өмнөх оноос 349.6 ам.доллараар нэмэгдсэн байна.

Экспортын боомтын бүтэц

• Гашуунсухайт: 49.9%

• Замын-Үүд: 20.7%

• Шивээ хүрэн: 10.2%
  Эдгээр гурван боомтоор нийт экспортын 80.8% хийгджээ.

БНХАУ-д экспортолсон барааны 47.5% нь нүүрс, 35.5% нь зэсийн баяжмал байхад, Швейцар руу хийсэн экспортын 99.5% нь алт байв.

Импортын үзүүлэлт

2025 оны эхний 4 сард импорт 132.9 сая ам.доллараар өссөн. Үүнд:

• Суудлын автомашин: +109.5 сая ам.доллар

• Авто сэлбэг: +20.4 сая ам.доллар

• Гар утас: +15.9 сая ам.доллар

• Согтууруулах ундаа: +9.9 сая ам.доллар

• Тунгаар савлагдсан эм: +6.2 сая ам.доллар

Импортын бүтэц:

• Машин, тоног төхөөрөмж, цахилгаан хэрэгсэл, тээврийн хэрэгсэл болон төмөрлөг бүтээгдэхүүн нийт импортын 73.5%

• Замын-Үүд боомт: 50.8%

• Сүхбаатар боомт: 22.6%
  Нийт импортын 73.4%-ийг бүрдүүлжээ.

Импортын гарал үүсэл

• БНХАУ: 35.3%

• ОХУ: 25.7%

• Япон: 13.2%

• АНУ: 4.4%

• БНСУ: 4.1%

• ХБНГУ: 2.7%

ОХУ-аас оруулсан барааны 74.5% нь нефтийн бүтээгдэхүүн бол, Японоос импортолсон барааны 80.2% нь суудлын автомашин байв. БНСУ-аас нийт тээврийн хэрэгслийн 62.3%-ийг импортолсон нь 2024 оны мөн үеэс 32.4 нэгж хувиар нэмэгдсэн үзүүлэлт болжээ.

Бууралттай үзүүлэлтүүд

• Авто бензиний импорт: -20.6 сая ам.доллар

• Нийтийн тээврийн хэрэгсэл: -40.9 сая ам.доллар

Эх сурвалж: Үндэсний статистикийн хороо