Өнөөдөр ээлжит “Үрийн болон хүнсний улаанбуудайн дуудлага худалдаа” цахим хэлбэрээр амжилттай зохион байгуулагдлаа. Арилжаанд хоёр аж ахуйн нэгж оролцож, нийт 114 сая төгрөгийн үнийн дүн бүхий 71.6 тонн хоёр сортын үрийн буудайг амжилттай арилжаалжээ.
Хаврын тариалалтын ажил эрчимжиж буй энэ үед үрийн буудайн хүртээмж, нийлүүлэлтийг нэмэгдүүлэх зорилгоор энэхүү дуудлага худалдааг долоо хоног бүрийн даваа, мягмар, пүрэв гарагуудад 14:00 цагаас цахимаар зохион байгуулахаар төлөвлөж байна. Худалдаа тавдугаар сарын турш үргэлжлэх бөгөөд тариаланч, аж ахуйн нэгжүүдийг идэвхтэй оролцохыг зохион байгуулагчид уриалж байна.
Энэхүү арилжаа нь чанартай үрийн тогтвортой нийлүүлэлтийг хангах, үнийн ил тод байдлыг бүрдүүлэх, зах зээлийн эрэлт хэрэгцээнд нийцсэн арга хэмжээ болж байгааг салбарынхан онцолж байна.
Эх сурвалж: Үндэсний статистикийн хороо, ХХААХҮЯ
