Сэлэнгэ аймгийн хэмжээнд 2025 оны хаврын тариалалт эрчимтэй өрнөж байгаа бөгөөд өнөөдрийн байдлаар нийт 4717 га талбайд тариалалт хийгээд байна. Үүнд:

• 1848 га талбайд улаанбуудай

• 130 га талбайд тэжээлийн ургамал

• 2610 га талбайд тосны ургамал

• 108 га талбайд төмс

• 21 га талбайд хүнсний ногоо тус тус тариалжээ.

Аймгийн газар тариалангийн нийт эргэлтийн талбай 311.9 мянган га бөгөөд 2025 онд үр тариа, тэжээл, тосны ургамал, хүнсний ногоо нийт 40.9 мянган га талбайд тариалахаар төлөвлөсөн байна. Үүнд:

• Улаанбуудай – 128.9 мянган га

• Бусад үр тариа – 12.0 мянган га

• Тэжээлийн ургамал – 30.5 мянган га

• Тосны ургамал – 45.0 мянган га

• Төмс – 3.1 мянган га

• Хүнсний ногоо – 8.2 мянган га

Түүнчлэн энэ оны тариалалтад зориулж аймгийн аж ахуйн нэгж, иргэд нийт 17.5 мянган тонн улаанбуудайг үрийн зориулалтаар нөөцөлсөн нь хэрэгцээт үрийн 84 хувийг хангаж байгаа юм.

"Атар IV" аян, “Хүнсний хангамж, аюулгүй байдал”, “Шинэ хөдөө” төсөл зэрэг бодлогын хүрээнд Сэлэнгэ аймаг 9550 га талбайг шинээр эргэлтэд оруулж, усалгаатай тариалангийн талбайг 100 га-аар нэмэгдүүлэхээр төлөвлөжээ. Үүнээс гадна 7425 га талбайг хашаажуулж, төмс, хүнсний ногоог хадгалах механикжсан зоорийн багтаамжийг 2000 тонноор нэмэгдүүлэх ажил хийгдэж байна.

Эх сурвалж: Сэлэнгэ аймгийн ЗДТГ