Алтны үнэ сүүлийн саруудад дээд түвшинд хүрч, хөрөнгө оруулагчид энэ үнэт металлыг эрсдэлээс хамгаалах аюулгүй хэрэгсэл хэмээн үзэж олноороо анхаарах болсон. Гэсэн ч шинжээчид тэднийг болгоомжтой хандахыг сануулж, алтны ханшийн цаадах эрсдлийг онцолж байна.

Алтны үнийн тэсрэлт

• Дөрөвдүгээр сард нэг унц алт 3,500 ам.долларын босгыг давж, түүхэн дээд амжилт тогтоов.

• Геополитикийн хурцатмал байдал, АНУ-ын худалдааны бодлогын тодорхойгүй байдал, долларын байр суурь суларсан нь үнийн өсөлтийг хөөрөгдөв.

• Хятад улс алтны нөөцөө таван сар дараалан нэмэгдүүлж, зах зээлд хүлээлт улам өссөн.

Зах зээлийн сорилт ба болгоомжлол

• АНУ-ын Ерөнхийлөгч асан Дональд Трампын зүгээс ХНС-ийн дарга Жером Пауэллыг шүүмжилж, мөнгөний бодлогод оролцох оролдлого хийсэн нь долларын үнэлгээнд сөргөөр нөлөөлөв.

• Goldman Sachs 2025 онд алтны үнэ 3,700 ам.долларт хүрнэ гэж таамагласан бол UBS оны эцэст 3,500 долларын түвшинд тогтоно гэсэн хүлээлттэй байна.

• Оросын Экспо банкны мэдээлснээр алтны арилжаа хоёр дахин өсөж, хөрөнгө оруулалтын алтан зоосны борлуулалт 13 дахин нэмэгджээ.

Хэт итгэл биш, хүйтэн ухаарал хэрэгтэй

• Шинжээчдийн үзэж буйгаар, алт нь урт хугацаанд үнэ цэнээ хадгалах баталгаатай мэт боловч:

  • Зах зээлийн хэлбэлзэлд өртөмтгий,

  • Хэт өндөр үнээр алт худалдан авах нь ашигтай биш байж болно.

• Богино хугацаанд ашиг хайсан хөрөнгө оруулагчид биржийн сан, граммласан алт, валютын хэрэгсэл гэх мэт өөр хэлбэрийг сонгох нь эрсдлийг бууруулж мэднэ.

• ХНС-ийн мөнгөний бодлогын өөрчлөлт, олон улсын нөхцөл байдал тогтворжвол алтны үнэ 3,170–3,200 ам.доллар хүртэл буурч магадгүй хэмээн анхааруулав.

Алт бол даатгал мэт хэрэгсэл боловч хөрөнгө оруулалтын шийдвэрийг халуурал, сэтгэл хөөрлөөр бус, бодит тооцоотой уялдуулан хийхийг шинжээчид сануулж байна.

Эх сурвалж: RIA.ru