Монгол Улсын экспорт, гадаад валютын нөөцийг нэмэгдүүлэх зорилготой ажлын хэсгийн найм дахь удаагийн хурал 2025 оны тавдугаар сарын 5-нд болж, хуралдааныг Сангийн сайд Б.Жавхлан удирдан явууллаа. Хуралдаанаар экспорт, импортын одоогийн нөхцөл байдал, гадаад валютын нөөцийн хэмжээ, өсөлтийн чиг хандлага болон бодлогын хэрэгжилт, цаашдын төлөвлөгөөг хэлэлцэв.
Ажлын хэсэг 2025 оны гуравдугаар сарын 13-нд байгуулагдсан бөгөөд өнгөрсөн хугацаанд биржийн арилжааг сэргээхэд чиглэсэн бодит ажлууд хийснийг онцолж байна. Жишээлбэл, өнгөрсөн гуравдугаар сард биржээр 679 мянган тонн нүүрс арилжаалсан бол 2025 оны дөрөвдүгээр сарын байдлаар энэ тоо хоёр дахин нэмэгдэж, 1.3 сая тоннд хүрчээ.
Хуралдаанаар дараах мэдээллийг танилцуулсан байна:
-
Нүүрсний экспорт: 2024 онтой ижил түвшинд буюу 25 сая тонн
-
Зэсийн баяжмалын экспорт: 25 хувиар өссөн
-
Төмрийн хүдрийн баяжмалын экспорт: 3.6 хувиар өссөн
-
Гадаад валютын нөөц: 5 тэрбум ам.долларт хүрсэн
-
Экспортын орлого: 4.2 тэрбум ам.долларт хүрсэн
Хуралдаанаар хэлэлцсэн зарим санал, шийдвэрүүдийг Засгийн газрын хуралдаанд танилцуулан, хэлэлцүүлэхээр тогтжээ.
Эх сурвалж: Засгийн газрын Хэвлэл мэдээлэл
