Агаарын бохирдлыг бууруулах, байгальд ээлтэй, эрчим хүчний хэмнэлттэй шийдлүүдийг танилцуулж буй “Дулаан байшин” амины орон сууцны нээлттэй өдөрлөг Улаанбаатар хотын төв талбайд эхэлжээ. Тус өдөрлөг нь тавдугаар сарын 7-ны өдөр хүртэл үргэлжилнэ.

Өдөрлөгийн үеэр дараах мэдээлэл, үйлчилгээг иргэдэд хүргэж байна:

• Амины орон сууцны дулаан алдагдлыг бууруулах технологийн шийдлүүд

• Агаарын бохирдлыг бууруулах бүтээгдэхүүн, технологи

• Төрөөс үзүүлэх хөнгөлөлт, урамшуулал, ногоон зээлийн талаар мэдээлэл

• Ногоон санхүү, даатгалын үйлчилгээний боломжууд

Тус арга хэмжээнд:

• Төрийн болон төрийн бус байгууллага

• Олон улсын байгууллага

• Аж ахуйн нэгж, инженер, техникийн ажилтнууд

• Ногоон зээлийг дэмжигч банк, санхүү, даатгалын байгууллагууд оролцож, иргэдэд нэг дороос мэдээлэл өгөх нөхцөлийг бүрдүүлж байна.

Иргэд өөрийн орон сууцыг дулаалах, цахилгаан, дулааны зардлаа бууруулах, байгаль орчинд ээлтэй шийдэл сонгох талаар мэргэжлийн зөвлөгөө, хөнгөлөлт урамшууллын талаарх дэлгэрэнгүй мэдээллийг тус өдөрлөгөөр авах боломжтой юм.

Эх сурвалж: Нийслэлийн ЗДТГ