Зам, тээврийн хөгжлийн яамнаас хилийн боомтоор нүүрс тээвэрлэж буй аж ахуйн нэгжүүдийн үйл ажиллагаанд энэ сарын 14-25-ны өдрүүдэд төлөвлөгөөт бус хяналт шалгалт хийж эхэлжээ.
Улс хоорондын ачаа тээврийн “С” төрлийн зорчих зөвшөөрлийн бичиг олгох, ашиглах, хяналт тавихад баримтлах удирдамжийн дагуу хилийн боомт тус бүрээр нүүрс тээврийн компаниудын үйл ажиллагааг хянах бөгөөд шалгалтаар:
-
Тээврийн хэрэгслийн техникийн шаардлагыг хангасан эсэх
-
Мэргэшсэн жолоочийн бүрдэл байгаа эсэх
-
Нэгдсэн тооллого явуулж, бодит тоо баримтад үндэслэн дүгнэлт гаргах
-
Илэрсэн зөрчилд арга хэмжээ авах
зэргийг тус тус хэрэгжүүлэх аж.
Тус шалгалтад долоон аймгийн есөн боомтоор үйл ажиллагаа явуулж буй улс хоорондын нүүрс тээврийн компаниуд хамрагдах бөгөөд ЗТЯ энэ талаар албан ёсоор мэдээлжээ.
Эх сурвалж: ЗТХЯ
