Европын Холбооны санхүүжилттэй “Монголын текстилийн салбарын тогтвортой үйлдвэрлэл ба эко тэмдэг – STeP EcoLab” төслийн хоёрдугаар үе шатыг албан ёсоор нээлээ. Төслийн эхний шат 2018-2022 онд амжилттай хэрэгжиж, баталгаажсан, мөшигдөхүйц түүхий эдийн хэмжээг 10 дахин өсгөхөөс гадна MNS 6926:2021 стандарт батлагдаж, салбарын суурь зохицуулалт шинэ шатанд гарсан юм.

Шинэ шатны зорилго нь бичил, жижиг, дунд үйлдвэрүүдийг ногоон нийлүүлэлтийн олон улсын сүлжээнд нэгдүүлэхэд оршиж байна. Төслийн хүрээнд:

• Тогтвортой түүхий эд бэлтгэх үйл явцад үйлдвэрүүдийг оролцуулах,

• “Эко тэмдэг” ба гэрчилгээжүүлэлтийн системийг бататгах,

• Байгальд ээлтэй үйлдвэрлэлийн нөхцөлийг бүрдүүлэх зэрэг ажлууд хийгдэнэ.

Баянхонгор, Архангай, Өвөрхангай аймгийн 8000 гаруй малчин өрх, 180 хоршоог хамруулах бөгөөд “Цагаан алт” хөтөлбөрийн хүрээнд эдгээр хамтрагчид ногоон санхүүжилтэд хамрагдах боломжтой болох юм.

Энэхүү төсөл нь Монголын ноос, ноолуурын салбарыг тогтвортой байдлын зарчимд тулгуурлан олон улсын зах зээлд өрсөлдөх чадвартай болгох, үйлдвэрлэлийг шинэ шатанд гаргах чухал алхам болно.