“Бичил бизнес эрхлэгчдийг дэмжих хөтөлбөр”-ийн хүрээнд Олон улсын хөгжлийн ассоциацийн санхүүжилтээр өнгөрсөн онд нийт 579 иргэн, аж ахуйн нэгжид 13.8 тэрбум төгрөгийн зээл олгосон тухай ГБХНХЯ мэдээллээ.

Хөтөлбөрийн хэрэгжилтийн хүрээнд жижиг, бичил бизнес эрхлэгчдийн үйл ажиллагааг тогтворжуулах, хөгжүүлэхэд бизнес инкубацийн үйлчилгээ чухал үүрэгтэй гэдгийг хэлэлцүүлэгт оролцогчид онцолсон байна. Олон улсад энэхүү дэмжлэгийн загвар нь өргөн хэрэглэгддэг бөгөөд манай улс ч өмнө нь ийнхүү дэмжиж байсан туршлагатай. Харин одоогийн нөхцөл байдалд тохируулан шинэчилж, санхүүжилтийн тогтвортой эх үүсвэрийг бий болгох шаардлагатайг дурджээ.

Хэлэлцүүлэгт МАОЭНХ, МҮЭХ, Монголын бизнес инкубаторуудын үндэсний нэгдсэн холбоо, “Старт ап Монголиа” ТББ, “Хөгжлийн шийдэл” ТББ-ын төлөөлөл, их дээд сургуулиудын багш, судлаачид, Шинжлэх ухааны академи, Технологийн үндэсний паркийн мэргэжилтнүүд оролцсон юм.

Мөн Хөдөлмөр эрхлэлтийн үйлчилгээний тухай хуулийн шинэчилсэн найруулгын төсөлд бизнес инкубацийн үйлчилгээний зохицуулалтыг тусгах саналыг дэмжиж, мэргэжлийн байгууллагуудын дунд хэлэлцүүлэг өрнүүлэхээр болсон байна.

Эх сурвалж: ГБХНХЯ.