Улаанбаатар хотын хөгжлийн 24 мега төслийн хүрээнд Баянгол дүүргийн 20 дугаар хороонд шинээр 340 Гкал дулаан, 300 МВт цахилгаан үйлдвэрлэх хүчин чадалтай ТЭЦ-5 дулааны цахилгаан станц барихаар төлөвлөжээ.

Тус станц нь газар, нүүрс, усны хангамжийг нэг дор шийдсэн, байгаль орчинд ээлтэй байх бөгөөд Улаанбаатарын баруун бүсийн хэрэглэгчдийг төвлөрсөн дулаанаар хангахын зэрэгцээ, импортоор авах цахилгаан эрчим хүчний хэмжээг бууруулах ач холбогдолтой юм.

ТЭЦ-5 станцын ерөнхий зохион байгуулалтад дараах байгууламжуудыг урьдчилсан байдлаар тусгажээ:

• Үндсэн цех

• Захиргааны байр

• Цахилгааны дэд станц

• Нүүрс буулгах талбай

• Үнс хадгалах, ачих байгууламж

• Цаашид өргөтгөл хийх боломжтой нөөц талбай

Хангах бүсүүд:

• Таван шар

• 21 дүгээр хороолол

• Хилчин хотхон

• Баянхошуу

• 3, 4 дүгээр хороолол

• Нэгдүгээр хороолол

Уг бүтээн байгуулалт хэрэгжсэнээр Улаанбаатар хотын баруун бүсийн төвлөрсөн дулааны ачааллыг хөнгөвчлөх, цахилгааны хараат байдлыг бууруулах томоохон үр нөлөөтэй гэж Нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтэс мэдээлэв.

Эх сурвалж: НЗДТГ, Төслийн мэдээлэл