Гаалийн ерөнхий газрын мэдээлснээр 2025 оны эхний хоёр сарын хугацаанд Монгол Улс 2.004 тэрбум ам.долларын экспорт хийсэн нь өнгөрсөн оны мөн үетэй харьцуулахад 10.5 хувиар буурсан үзүүлэлттэй байна.
Экспортын голлох бүтээгдэхүүнүүдийн хувьд чулуун нүүрс 42.8 хувь (858.8 сая ам.доллар), зэсийн баяжмал 27.6 хувь (553.4 сая ам.доллар), боловсруулаагүй алт 8.2 хувь (164.3 сая ам.доллар) эзэлж байна. Мөн төмрийн хүдэр, хайлуур жонш, боловсруулаагүй нефть, хүрэн нүүрс, цайрын баяжмал, молибдены хүдэр зэрэг бүтээгдэхүүн экспортын үлдсэн хувийг бүрдүүлжээ.
Экспортын хэмжээ тоон үзүүлэлтээр өмнөх оны мөн үетэй харьцуулахад:
- Чулуун нүүрсний экспорт 10.2 сая тонн болж, 3.5 хувиар буурсан.
- Зэсийн баяжмалын экспорт 0.28 сая тонн хүрч, 10.8 хувиар өссөн.
- Төмрийн хүдрийн экспорт 1.09 сая тонн болж, 2.5 хувиар буурсан.
- Боловсруулаагүй нефтийн экспорт 0.61 сая баррель болж, 13.7 хувиар буурсан.
- Алтны экспорт 1.8 тонн хүрч, 6.1 хувиар нэмэгдсэн.
- Мах, дайвар бүтээгдэхүүний экспорт 4.3 мянган тонн болж, 37.7 хувиар буурсан.
- Самнасан ноолуурын экспорт 0.06 мянган тонн болж, 57.5 хувиар буурсан.
Нийт экспорт өмнөх оны мөн үеийнхтэй харьцуулахад буурсан үзүүлэлттэй байгаа хэдий ч алт, зэсийн баяжмалын хэмжээ өссөн байна. Харин нүүрс, мах, ноолуур зэрэг бүтээгдэхүүний экспортын бууралт нь худалдааны нөхцөл байдалд сөргөөр нөлөөлөх хандлагатай байна.
Эх сурвалж: Гаалийн ерөнхий газар
