Төрийн албаны 2025 оны нэгдүгээр улирлын ерөнхий шалгалтад улсын хэмжээнд 4041 иргэн бүртгүүлснээс нийслэлд 1703 иргэн шалгалт өгөх юм.
Шалгалтыг нийслэлд гуравдугаар сарын 12-14-нд, есөн аймагт 12-13-нд, 12 аймагт 12-ны өдөр зохион байгуулна. Нийслэлд шалгалтыг Яармаг дахь Нийслэлийн нутгийн захиргааны цогцолборт, харин аймгуудад төрийн албаны салбар зөвлөлөөс товлон зарласан газарт авах аж.
Шалгалтад оролцох иргэд иргэний үнэмлэхтэйгээ шалгалт эхлэхээс 30 минутын өмнө ирж, танхимд суудлаа эзлэх шаардлагатай. Товлосон өдөр, цагаас хоцрохгүй байхыг анхааруулж байна.
Шалгалтын талаарх дэлгэрэнгүй мэдээллийг exam.csc.gov.mn цахим системээс авах боломжтой бөгөөд нэвтрэх эрх, нууц үгээ мартсан бол ДАН системээр дамжин нууц үгээ шинэчлэх боломжтой.
