“Зээлийн батлан даалтын сан”-гаас 21 аймагт ипотекийн 3 хувийн хүүтэй зээлийн урьдчилгаа төлбөрт батлан даалт гаргаж, иргэдийн орон сууц худалдан авах боломжийг нэмэгдүүлж байна.
Гол зохицуулалт:
- 21 аймагт орон сууц худалдан авч буй иргэд 100 сая хүртэлх төгрөгийн зээл авах боломжтой.
- Зээлийн хүү эхний гурван жилд 3 хувь байх бөгөөд дараагийн жилүүдэд зах зээлийн нөхцөлд шилжинэ.
- Батлан даалт гаргуулсан иргэд жил бүр батлан даалтын үлдэгдэл дүнгийн 1 хувийн шимтгэл төлнө.
- Батлан даалтын хураамж 10 мянган төгрөг байх юм.
Урьдчилгаа төлбөрийн батлан даалт
Ипотекийн зээл авахад иргэд нийт 30 хувийн урьдчилгаа төлбөр гаргах шаардлагатай байдаг. Харин урьдчилгаа төлбөр хүрэлцэхгүй иргэдийн хувьд Зээлийн батлан даалтын сан нь урьдчилгааны 60 хүртэлх хувьд батлан даалт гаргах боломжтой болжээ.
Зээл олголтын хурдацтай шийдвэрлэлт
Банк санхүүгийн байгууллагуудтай байгуулсан гэрээний дагуу ипотекийн зээлийг 3 хоногийн дотор шийдвэрлэх бөгөөд шаардлагатай материалуудыг бүрэн бүрдүүлсэн тохиолдолд нэмэлт бичиг баримт шаардахгүй байна.
Зээлийг дамжуулан олгож буй банкууд:
- Төрийн банк
- Худалдаа хөгжлийн банк
- Хаан банк
- Капитрон банк
- Хас банк
- Богд банк
- Ариг банк
- Транс банк
- Кредит банк
Энэхүү батлан даалтын механизм нь иргэдийг орон сууцтай болоход дэмжлэг үзүүлж, ипотекийн зээлийн хүртээмжийг нэмэгдүүлэх зорилготой юм.
Эх сурвалж: Зээлийн батлан даалтын сан
