Өнгөрсөн онд Улаанбаатар хотын хэмжээнд 137.1 км авто зам шинэчлэгдсэн нь сүүлийн 10 жилийн дундажтай харьцуулахад 10 дахин урт зам болсон үзүүлэлт юм.
Нийслэл 2025 оныг "Бүтээн байгуулалтын жил" болгон зарлаж, агаар, орчны бохирдол, авто замын түгжрэл бууруулах, иргэдийн амьдралын чанарыг дээшлүүлэх зорилгоор томоохон төслүүд хэрэгжүүлж байна.
2025 онд Улаанбаатар хотод 10 байршилд шинэ авто зам барьж, 41 байршилд авто зам шинэчлэх аж. Тухайлбал:
- Наадамчдын гудамжийг Нэгдүгээр хороололтой холбосон 800 метр гүүрэн байгууламж
- Тоньюукукийн замаас Плэйтайм аялал жуулчлалын цогцолбор хүртэлх авто зам
- Морингийн даваа болон Цагаан давааны төвлөрсөн хогийн цэг рүү явах авто зам
Мега төслүүдийн хэрэгжилт
- Нэгдүгээр тойрог замын ТЭЗҮ боловсруулж байгаа бөгөөд зургаадугаар сард барилгын ажлын гүйцэтгэгчийг сонгон шалгаруулах тендер зарлаж, наймдугаар сард барилга угсралтын ажлыг эхлүүлэхээр төлөвлөжээ.
- Туулын хурдны замын гүйцэтгэгчийг сонгон шалгаруулах тендер зарлагдсан бөгөөд дөрөвдүгээр сард барилгын ажлыг эхлүүлэхээр төлөвлөсөн байна.
Мөн авто замын ажлын хүрээнд суурь асфальт бетон хучилт хийх, худгийн таг өндөрлөх, ус зайлуулах систем шинээр байгуулах, хашлага солих зэрэг ажлууд хийгдэнэ.
Эх сурвалж: НЗДТГ-ын Хэвлэл мэдээлэл, олон нийттэй харилцах хэлтэс.
Сэтгэгдэл (1)