Монгол Улсад анх удаа хүүхэд хамгааллын үндэсний тогтолцоог бэхжүүлэх, хүүхдийг эрсдэлт нөхцөлд өртөхөөс урьдчилан сэргийлэх, шаардлагатай тусламж, үйлчилгээг цаг алдалгүй үзүүлэх зорилготой сум, хороодын нийгмийн ажилтан энэ сараас эхлэн ажиллаж эхлэхээр болжээ.

Өнөөдрийн байдлаар орон нутагт 426, нийслэлд 163, улсын хэмжээнд нийт 589 нийгмийн ажилтан сонгогдож, үүрэгт ажлаа эхлэхэд бэлэн болсон байна.

Нийгмийн ажилтнуудыг чиглүүлэх, мэргэшүүлэх сургалт орон нутагт өнгөрсөн долоо хоногт зохион байгуулагдсан бол өнөөдөр (хоёрдугаар сарын 17) Улаанбаатар хотод эхэлжээ.

Улаанбаатар хотын хэмжээнд нийт 268 нийгмийн ажилтан ажиллахаар төлөвлөгдсөнөөс 163 нь томилогдсон байна.

• 16,000 хүртэл хүн амтай хороонд нэг нийгмийн ажилтан
• 16,000-22,000 хүн амтай хороонд хоёр нийгмийн ажилтан
• 22,000-аас дээш хүн амтай хороонд гурван нийгмийн ажилтан тус тус ажиллах зохицуулалттай.

Энэхүү шинэ тогтолцоо нь хүүхэд, гэр бүлийн хамгаалалтыг сайжруулах, эрсдэлээс урьдчилан сэргийлэх чухал алхам болж буйг албаныхан онцолж байна.