2025 онд мал эмнэлгийн урьдчилан сэргийлэх арга хэмжээний хүрээнд 21.4 сая толгой мал, амьтныг зооноз, халдварт өвчнөөс хамгаалах вакцинжуулалтыг улс орон даяар зохион байгуулахаар төлөвлөжээ.

Дархлаажуулалтын хэрэгцээнд шаардлагатай вакциныг дотоодын үйлдвэрээс худалдан авч, орон нутгуудад хүргэх, нэгдсэн төлөвлөгөө, удирдамжийг боловсруулан баталгаажуулах ажлууд хийгдэж байна.

Малын вакцинжуулалтын 2025 болон 2024 оны хамрагдалтын харьцуулалт дээрх графикт харуулснаар, улсын хэмжээнд хамрагдах малын тоо 2025 онд өссөн үзүүлэлттэй байна.

• Улсын түвшинд 2025 онд 8,051 мянган мал хамрагдахаар байгаа нь 2024 оны 7,281 мянгатай харьцуулахад өссөн байна.
• Орон нутгийн түвшинд бага зэрэг өсөлттэй буюу 10,458 мянган мал хамрагдахаар төлөвлөгджээ.
• Иргэдийн түвшинд вакцинжуулалт 2025 онд 2,599 мянган мал хамрагдахаар байгаа нь өмнөх оноос бага зэрэг буурсан үзүүлэлттэй байна.
• Бруцеллёз өвчнөөс сэргийлэх вакцинжуулалт 2025 онд 9,429 мянган малд хийгдэх төлөвтэй байгаа нь 2024 оны 11,387 мянган малтай харьцуулахад бага зэрэг буурсан үзүүлэлттэй гарчээ.

Эдгээр дархлаажуулалтын арга хэмжээ нь зооноз болон халдварт өвчнөөс урьдчилан сэргийлэх, малын эрүүл мэндийг хамгаалах, мал аж ахуйн тогтвортой хөгжлийг хангахад чухал ач холбогдолтой юм.