Монголбанк 2025 оны нэгдүгээр сард 1,236.5 кг үнэт металл худалдан авч, оны эхнээс өссөн дүнгээр 1.2 тонн үнэт металл төвлөрүүлээд байна. Энэ нь өмнөх оны мөн үетэй харьцуулахад 21.9 хувиар өссөн үзүүлэлт юм. Үүний дотор Дархан-Уул аймаг дахь Монголбанкны хэлтэс 26.3 кг, Баянхонгор аймаг дахь хэлтэс 175.8 кг үнэт металл худалдан авсан байна.

Төв банк үнэт металлыг дэлхийн зах зээлийн үнээр худалдан авдаг бөгөөд өнгөрсөн сард алт худалдаж авах дундаж үнэ 297,634.43 төгрөг байсныг мэдээллээ.

Сүүлийн жилүүдэд Монголбанкны худалдан авсан үнэт металлын хэмжээ харьцангуй буурч байгаа ч 2025 оны эхний сарын үзүүлэлт өмнөх оны мөн үеэс өссөн байна.

• 2020 онд нийт 23,569 кг үнэт металл худалдан авснаас эхний 1 сард 3,558 кг
• 2021 онд 20,809 кг, эхний 1 сард 1,346 кг
• 2022 онд 22,901 кг, эхний 1 сард 1,659 кг
• 2023 онд 17,860 кг, эхний 1 сард 520 кг
• 2024 онд 16,457 кг, эхний 1 сард 1,015 кг
• 2025 оны эхний 1 сард 1,236 кг үнэт металл тус тус худалдан авсан байна.

Энэхүү мэдээлэл нь Монголбанк 2025 оны эхний сард өмнөх оны мөн үеэс илүү хэмжээний үнэт металл худалдан авсан болохыг харуулж байна.

Эх сурвалж: Монголбанк