Эх орныхоо хөгжлийн голомт байх эрхэм зорилго дор нэгдэн хамтдаа үнэ цэнэ бүтээж буй 2,800 гаруй ажилтандаа зориулан Голомт банк шинэ оноо хайртай, дотны хүмүүстэйгээ өнгөрүүлэх боломжийг бүрдүүлж, нэгдүгээр сарын 2-нд цалинтай амралт олгохоор боллоо.

Байгууллагын тогтвортой үйл ажиллагаа, хөгжил дэвшлийн үндэс, суурь болсон ажилтнууддаа нийгэм, ахуйн хөнгөлөлтийн олон хөтөлбөрийг хэрэгжүүлдэг. Ажилтны төрсөн өдрийн цалинтай амралт, хүүхдийнхээ төрсөн өдрөөр цалинтай чөлөө авах боломжтой байдаг бол энэ удаа ажлын нэг өдрийг цалинтай амралтын өдөр болгов. Энэ нь ажилтнуудынхаа хувь хүний хөгжилд цаг зарцуулах, гэр бүлийн баярыг тэмдэглэн өнгөрүүлж, дурсамж бүтээхэд үзүүлж буй дэмжлэг юм.

Голомт банк Монгол Улсад хөгжил дэвшил авчрах бүтээн байгуулалтыг өрнүүлэх, бизнес эрхлэгчдийг чадавхжуулах, үйлдвэрлэлийг нэмэгдүүлэх, нийгэмд сайн сайхныг авчрах үйл ажиллагааг дэмжин ажилласаар ирсэн бөгөөд улирч буй 2024 онд түүхэн мөр, тод амжилтаа бататгах үйл явдлаар өрнүүн жилийг үдэж байна.

Энэхүү амжилт бүрийн ард хөдөлмөрлөж буй эрхэм хамт олныхоо банкны салбарын хөгжилд оруулсан хувь нэмрийг нь үнэлж 26 ажилтнаа “Шилдэг ажилтан”-аар алдаршуулж, тус бүр 10 сая төгрөгөөр урамшуулан, 75 ажилтнаа гадаад руу аялах эрхээр шагнав.

Ирж буй амжилт бүтээлийн хэлхээ, хамтдаа бүтээх дараагийн шинэ жилийн хөгжил дэвшлийн хуудсыг хамтдаа эргүүлэх Голомт банкны хөгжлийн голомт болсон эрхэм ажилтнууддаа талархал илэрхийлье!

Ажилтан та Хөгжлийн голомт