ЭМЯ-ны дэмжлэг, "Глобаль" сангийн санхүүжилтээр хэрэгжүүлж буй төслийн буцалтгүй тусламжийн хүрээнд "Амгалан" амаржих газарт хүчилтөрөгчийн үйлдвэрийг бүрэн ашиглалтад оруулж өчигдөр нээлтээ хийжээ. Үйлдвэрийн хөрөнгө шилжүүлж хүлээлцэх, гарын үсэг зуржээ.
Нээлтийн үйл ажиллагаанд Амаржих газрын дарга, Анагаах ухааны доктор, профессор, Ц.Батболд, НЭМГ-ын дарга П.Эрхэмбулган, ЭМЯ, "Глобал" сангийн ДОХ, Сүрьеэгийн төслийн зохицуулагч Ж.Нарангэрэл оролцсон байна.
Хүчилтөрөгчийн үйлдвэр нь цагт 18 шоо метр хүчилтөрөгч үйлдвэрлэх хүчин чадалтай, автомат ажиллагаатай. Үйлдвэр ашиглалтад орсноор эх барих эмэгтэйчүүд, нярайн тусламж үйлчилгээнд хүний оролцоогүйгээр, сүүлийн үеийн технологиор хийсэн ухаалаг ажиллагаа бүхий өрөөнүүдэд ханын холбоосоор хүчилтөрөгчийг шууд дамжуулна.
