x

Монголын улс төр “Херо” Баатарын бандаашинд багтав

Манай нэг сэтгүүлч “Өнгөрсөн зуунд орос эхнэрийн гал тогоонд шийгдэгддэг байсан Монголын улс төр 30 жилийн дараа Алтан-Өлгийд шилжив” хэмээн халагласантай таарав. “Алтан-Өлгий" гэдэг нь талийгаачдыг тавьдаг, манай төр засгийн томчуудын шарилыг хадгалдаг газар.

Товчхондоо, 26 жилийн өмнө Алтан-Өлгийд нойрсуулсан С.Зориг гэдэг хүний нэр Монголын улс төрийн гол “хөзөр” болж байна. Өнгөрсөн сонгуулиар С.Зоригийн аллагын хэргээр сонгуулийн гол пиараа хийсэн МАН-ын дарга Л.Оюун-Эрдэнэ шинээр байгуулсан Засгийн газрынхаа мөрийн хөтөлбөрийг “Хурдтай хөгжлийн төлөөх ЗОРИГ” гэж нэрлэжээ. Хамтарсан Засгийн газар байгуулах гурван намын гэрээг ч бас ингэж нэрлэсэн.

Ингэхдээ “Би монгол хүний саруул ухаанд итгэдэг” гэсэн С.Зоригийн үгийг уриа болгож, үйл хэргийг нь үргэлжлүүлэхээ мэдэгдсэн. Үр дүнд нь УИХ-ын сонгуульд ялалт байгуулж, олонхийн санал авсан МАН ялагчийн үүрэх хариуцлагаас бултаж, цөөнх болсон АН, ХҮН-ыг хөнжилдөө чирч оруулсан. Үүнийгээ С.Зоригийн хэлсэнчлэн “Улс орны эрх ашгийг нэгдүгээрт эрэмбэлж, улс төрийн нам, бүлгийн эрх ашгийг хойш нь тавьж буй хэрэг” хэмээн тайлбарладаг. Гэвч үүгээрээ олонх нь бодлогоо хэрэгжүүлж, цөөнх нь хяналтаа тавьдаг парламентат ёсны зарчмыг алдагдуулж, хяналтын үүргийг дан ганц иргэдийн нуруунд үүрүүллээ. Ингэснээр парламентат ёс, Үндсэн хуулийн зарчмыг уландаа гишгэхэд хүргэсэн гол буруутан буюу хэргийн эзэн нь Л.Оюун-Эрдэнэ биш, Лу.Гантөмөр, Т.Доржханд ч биш, 26 жилийн өмнө Алтан-Өлгийд унтуулсан С.Зориг болж таарав. “Монголын улс төр Алтан-Өлгийд шилжив” гэсэн нь ийм учиртай. Үхсэн хүний нэрээр улс төр хийхээ болиоч ээ л гэж байгаа юм.

Л.Оюун-Эрдэнэ Засгийн газрын мөрийн хөтөлбөрөө танилцуулахдаа Зориг гэдэг үгийг /нэрийг/ наймантаа дурьдсаныг манай мэргэжил нэгт нөхөр тоолсон байна. Уг нь бол өнгөрсөн 8 жил эрх барьсан МАН, сүүлийн 4 жил /тодорхой хэлбэл 3,5 жил/эрх барьсан Л.Оюун-Эрдэнийн Засгийн газар зориг зүрхээр илүүрхсэн үү гэхээс дутаагүй. Парламентын 85 хувийн суудалтай эрх баригч нам ёстой дураараа дургиж, дунд чөмгөөрөө жиргэж ирсэн. Дур зоргыг нь эсэргүүцсэн, шүүмжилсэн бүх хүнийг барьж хорьсон, айлгасан, дарамталсан, өмнөө мөлхүүлсэн. Олноо “тэмцэгч” хэмээгдэж асан Даваагийн Мөнх-Эрдэнэ шоронгоос гарч ирээд МАН-аас бусад бүх нам, улстөрчтэй тэмцдэг ажилтай болсон нь нэг жишээ. Хувийн хэвшил, бизнес эрхлэгчдийг нийтийн дайсан болгож зарлаад өмч, хөрөнгөнд нь халдаж, үйл ажиллагааг нь зогсоосон, гацаасан. Өнөөдөр Монголд төр нь хамгийн бизнес эрхлэгч болж, бусад нь туслан гүйцэтгэгчийн үүрэгтэй, хусмыг нь долоож амьдарч байна.

Энэ бүхнийг хийж чадсан нам зүрх зориггүйдээ ингэсэн гэвэл худлаа. Зориг дутсандаа АН-тай, ХҮН-тай хамтарсан гэдэг бүр худал. Зүгээр нам доторх хагарлаа даван туулах, намын дарга нь эрх мэдлээ хамгаалж үлдэхийн тулд цөөнхийн хоёр намыг хөнжилдөө чирж, бандаашиндаа чихсэн. Монголын улс төр Алтан-Өлгийд шилжих бус, “Херо” Баатарын бандаашинд багтаж байна. Хамтарсан Засгийн газар гээч нь үнэн хэрэгтээ өнгөрсөн сонгуулийн өмнө "Херо" Баатарын найруулан тавьсан "С.Зоригийн хэрэг" хэмээх цувралын эмгэнэлт үргэлжлэл юм. 

Тиймээс ядаж хүний ёсыг бодож, нас барсан хүний ясыг ахин дахин өндөлзүүлэхгүйн тулд "Засгийн газрын мөрийн хөтөлбөр" нэртэй МАН-ын пропагандагаас С.Зоригийнхоо нэрийг салгаж аваач ээ гэж АН-ын даргаас гуймаар байна. С.Зориг агсны гэр бүл энэ хүний нэр төрийг юугаар үнэлж, хэдээр зарсныг мэдэхгүй ч журмын нөхөд нь ядаж үүнийг хүлээн зөвшөөрөөд, дуугүй хараад суумааргүй байна аа.

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 2 цаг 20 мин Мэдээж “Ар нь түүз!” 2 цаг 31 мин И-спорт болон оюуны спортын Азийн анхдугаар наадмыг 2027 онд зохион байгуулна 2 цаг 49 мин Улаанбаатарт өдөртөө 8 хэм хүйтэн 2 цаг 56 мин Аймгуудын өрсөлдөх чадварын 2026 оны тайлангийн үр дүнг танилцуулна 3 цаг 0 мин Д.Трамп Хятадад Ким Жөн Унтай уулзаж магадгүй гэв 3 цаг 5 мин Тайванийн Гадаад хэргийн сайд АНУ-д хоёр дахь удаагаа очжээ 3 цаг 10 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 3 цаг 15 мин Д.Медведев улирлын хаалтын тэмцээнийг хожлоор эхлүүллээ 18 цаг 14 мин “Вояжер-1” сансрын төхөөрөмж түүхэн дээд амжилт тогтооход ойрхон байна 18 цаг 18 мин Голомт банк “Euromoney Awards”-ын дөрвөн төрөлд шилдгээр шалгарлаа 22 цаг 3 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 22 цаг 17 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 22 цаг 29 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... З.Мэндсайхан: Тэтгэвэр, цалингийн нэмэгдлээр дамжуулан ажлын... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... Гавьяат тамирчин Э.Цэндбаатар 16 дараалан яллаа “Герман, Франц улсад суралцсан анхны эмэгтэйчүүд” үзэсгэлэнг... Элсэн манханыг тогтворжуулах, элсний нүүдлийг зогсоохоор ажи... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн
Top