x

АН-ын залуусын тоглоом ах нарын шоглоом болчих вий

Өчигдөр хачин жигтэй юм сонсов. АН-ын зарим гишүүд намын даргадаа хилийн хориг тавиулахаар АТГ, прокурорт хүсэлт өгнө гэжээ. Ийм зүйл МАН(МАХН)-ын түүхэнд байсан байж магадгүй. АН-ын түүхэнд бол анхны тохиолдол болов. Гайхуулахаар зүйл биш ч гэлээ тэртэй тэргүй улсаараа үзээд сонссон зүйлийг нуух гээд хаа хүрэх вэ.

Уг нь хөөрхий, намын дарга Л.Гантөмөр нь монгол хүн л болсон хойно бууз баншаа "боож" (баруун аймгийнхны яриа бололтой) аваад сар шинийн өмнө малгайн утаа сэргээж, малчны хотоор бууж мордсон шиг, ерөөл билэгдлийн үг хэлсэн шиг дориун аятайхан дүр төрх үзүүлсэн юмаа. Хөдөөний хүүхэд болохоор тэр тал дээрээ эвлэг л дээ. Туулын эрэгт өссөн "жараахай"-нуудыг бол урдаа оруулахгүй. Дууны дугарааг бол хоосон буцаахгүй, нээрээ. Арай ч нэг барилдчихгүй л байх.

Тэгсэн орой нь МонголКоментчид "АН-ын дарга Л.Гантөмөрт хилийн хориг тавиулахаар АТГ, прокурорт хандахаа мэдэгдлээ. Л.Гантөмөр нь болбоос БЗС-гаас зээл хуссан, Нүүрсний хулгай, Хөгжлийн банкны хэрэгт нэр холбогдсон, МАН-ын даргатай зургаа даруулсан тул даруй энэ нөхөрт хилийн хориг тавьж шалгахыг АТГ, прокурорын байгууллагаас шаардлаа” гээд уншиж байна аа. Сүүл рүүгээ Билгээ, Пүүжээ хоёр маань уншсан зүйлдээ өөрсдөө толгой нь эргэчихсэн:

-“БЗС ч яахав, хүүхэд нь зээл авч сурсан, тэрийгээ төлж байна гээд гараад байсан. Нүүрсний хулгайтай яг ямар холбоотой билээ.

-Мэдэхгүй

-Нүүрсний сонсголыг би хэд хэдэн удаа үзсэндээ, нэр нь гараагүй дээ.

-Харин л дээ. Хамаарал бүхий компани нь нүүрс тээвэрлэсэн барьсан юм байдаг юм болов уу” гэчихсэн мөрөө хавчөөд сууж байх ч шиг. Уг нь бол мөнгөө төлчихсөн мэдээн дээр манай хоёр бол давуулж ярина уу гэхээс дутуу орхидоггүй л дээ.

МАН-ын даргатай зургаа даруулсан тухайд бол өнгөрөгч арванхоёрдугаар сард УИХ дахь АН-ын бүлгээс “Үндэсний баялгийн сангийн тухай” гэж маш том хуулийн төсөл өргөн барьсан. Уул уурхайгаас олсон орлогоо иргэддээ яаж хүртээмжтэй, өгөөжтэйгээр ашиглах вэ гэдэг тухай. Энэ хуулийн малгай дотор нөгөө иргэдийн хувь хувьцаанаас гадна Төсвийн тогтворжилтын сангийн тухай, Ирээдүйн өв сангийн тухай гээд олон хууль багтаад, нэг мөр зохицуулагдахаар бичсэн байдаг.

Гэтэл дараа нь Засгийн газар “ЭТТ-н 34 хувийг 3,5 сая иргэндээ хувьцаа болгож өгнө” гээд зарлачихсан. Одоо УИХ-аар хууль батлуулна гээд явж байгаа. МАН энэ хуулиа батлахын тулд Үндэсний баялгийн сангийн тухай хуулийг эхэнд нь хэлэлцэх ёстой шүү" гэдэг шаардлагыг МАН-д тавиад явсан. Сая энэ асуудал дээр УИХ-д суудалтай намууд зөвшилцөлд хүрээд гарын үсэг энэ тэр зуралцсан амлалт үйлдсэн юм билээ. Үүнийг нь “МАН-ын даргатай зургаа дарууллаа” гэж уурссан хэрэг. Хартай ард түмэн шүү дээ. 

Ер нь бол АН-ын гишүүд намынхаа дарга, удирдлагуудыг нэг их долдойдоод байдаггүй, эсрэгээрээ шүүмжлэл, шаардлага нь давамайлдаг нам. Түүнийгээ аягүй “ардчилсан байна” энэ тэр гэж их өргөж ирсэн. Нөгөө цусаа гартал зодолдоод, тосоо гартал тэврэлдлээ гэдэг шиг заавал нэг зодолдож байж нэгддэг зуршилтай. Гэхдээ энэ удаад бол АН-ын залуус арай л билэггүй юм хэллээ дээ, удахгүй сонгууль болох гэж байхад. Тэгээд ч МАН найман жил ухаад олж чадаагүй (2017 онд АН-ын даргад анх удаа өрсөлдсөнөөс нь хойш) гэмт хэргийг АН-ын залуус намынхаа даргад тохоод, түүгээр нь АТГ, прокурор ажиллана ч гэж юу байхав. Байсан бол намын дарга болох байтугай “Нэг худаг” гэдэг газарт нь нарлаж байх байсан биз.

Өнгөрөгч намар АН-ын ҮБХ хороо хуралдаж, намын дэд дарга нараа сонгосон. 15 дэд даргыг нэг өдөр томилсон. Дараа нь хоёр хүн ҮБХ-хоо шийдвэрийг эсэргүүцэж баахан зарга хийсэн. Тэр үед нь намын нэг ахмад гишүүн хэлж байсан юм. 15 дэд дарга томилж болсон юм чинь хоёрыг нэмээд томилоход юу алддаг юм, тэгээд л дуугүй болно шүү дээ гэж. Нөгөө хоёрынх нь гомдол одоо хэр нь тайлагдаагүй л явж байна л даа. Яван явсаар энэ нь арай гэж намаас гараа татсан ах нарын шоглоом болчих вий л гэж...

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 2 цаг 44 мин Мэдээж “Ар нь түүз!” 2 цаг 55 мин И-спорт болон оюуны спортын Азийн анхдугаар наадмыг 2027 онд зохион байгуулна 3 цаг 13 мин Улаанбаатарт өдөртөө 8 хэм хүйтэн 3 цаг 20 мин Аймгуудын өрсөлдөх чадварын 2026 оны тайлангийн үр дүнг танилцуулна 3 цаг 24 мин Д.Трамп Хятадад Ким Жөн Унтай уулзаж магадгүй гэв 3 цаг 29 мин Тайванийн Гадаад хэргийн сайд АНУ-д хоёр дахь удаагаа очжээ 3 цаг 34 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 3 цаг 39 мин Д.Медведев улирлын хаалтын тэмцээнийг хожлоор эхлүүллээ 18 цаг 38 мин “Вояжер-1” сансрын төхөөрөмж түүхэн дээд амжилт тогтооход ойрхон байна 18 цаг 42 мин Голомт банк “Euromoney Awards”-ын дөрвөн төрөлд шилдгээр шалгарлаа 22 цаг 27 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 22 цаг 41 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 22 цаг 53 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... З.Мэндсайхан: Тэтгэвэр, цалингийн нэмэгдлээр дамжуулан ажлын... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Элсэн манханыг тогтворжуулах, элсний нүүдлийг зогсоохоор ажи... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн
Top