x

Хэрхэн ялагч болох вэ?

ЯЛАГЧ

Чухам үүний тухай энэ номд өгүүлнэ. Тодруулбал ялалтын тухай. Өөр ямар ч сэдэв надад бичих хүслийг дахин төрүүлэхгүй байсан байж магадгүй! 

Учир нь ялалт бол аугаа зүйл гэж би боддог. Зүгээр нэг сайн бус Аугаа. Бизнест ялах нь аугаа. Компани, хүмүүс ялахдаа цэцэглэн хөгжиж, өсөн дэвждэг учраас аугаа юм. Газар сайгүй, хүн бүрд илүү ажлын байр, боломж нээгдэнэ. Хүмүүс ирээдүйгээ өөдрөгөөр харна: тэдэнд хүүхдээ коллежид явуулах, эрүүл мэндийн сайн үйлчилгээ авах, амралтын байр худалдан авах, өөртөө таатай тэтгэвэр баталгаажуулах нөөцүүд бий болно. Ялалт хүмүүст зүгээр нэг илүү олон татвар хураамж төлөхөөс гадна асар чухал арга замаар нийгэмдээ хувь нэмэр оруулах боломж олгодог. Хоёрхон жишээ дурдахад хүмүүс мөнгөө буяны байгууллагад зориулах буюу хотын сургуульд зөвлөгчөөр ажиллах боломж нээгдэнэ.

Ялалтад хүрсэн хүн бүр дэвжин дээшилнэ. Ялалт дэлхий ертөнцийг таатай газар болгодог. 

Нөгөө талаас компаниуд ялагдаж байгаа үед хүн бүр цохилт амсах болно. Хүмүүст айдас, түгшүүр төрдөг. Тэдний санхүүгийн баталгаа муудаж, өөр хэн нэгний төлөө ямар нэг зүйл хийх цаг, мөнгө хомсодно. Тэдэнд тохиолддог зүйл гэвэл санаа зовон түгшиж, гэр бүлийнхнээ зовоохын зэрэгцээ хэрэв ажлаа алдсан бол татвар төлөлт нь багасна. 

Энэ ном ялах замын зургийг санал болгож байна. 

Дашрамд хэлэхэд энэ бол зөвхөн дээд шатны менежерүүд, ерөнхий захирлуудад зориулсан “замын зураг” бус. Хэрэв энэ ном тэдэнд тусалж байгаа бол гайхалтай. Би ч тэгж найдаж байна. Энэ бол тэргүүн эгнээнд байгаа хүмүүст маш ашиг тустай ном: бизнесийн эзэд, дунд шатны менежерүүд, үйлдвэр удирдаж буй хүмүүс, жирийн ажилтнууд, анхны ажлаа хайж буй төгсөгчид, шинэ ажилд орохоор бодож буй магистрантууд болон бизнес эрхлэгчид багтана. Энэ номд тавьсан миний гол зорилго бол байгууллагын аль ч шатанд байлаа гэсэн хүсэл тэмүүллээр нүд нь гэрэлтсэн хүмүүст туслах явдал мөн. Энэ номоор та олон хүнтэй танилцана. Зарим нь танд өөрийг тань бодогдуулах бол зарим нь танил мэт санагдах байх.

Баримтлах ёстой үнэт зүйлсийн жагсаалт болон чанар, үйлчилгээ, хүндэтгэл зэргийг танилцуулдаг боловч үнэн хэрэгтээ түүгээр амьдрах нь ямар учир утгатайг хэзээ ч тайлбарлаж өгдөггүй нэг ерөнхий захирал компанид бий. Компанийн өөр хэлтсийн хамтрагч нь уулзалтын үеэр сандарч салганахаа болиосой хэмээн бухимддаг дунд шатны менежер хүнтэй тааралдсан. Ажлаа дийлдэггүй, үл мэдэгч боловч нөхөрсөг сайхан ааштай тул олон жилийн турш өөрийгөө халагдахаас хамгаалж чадсан эмэгтэй ажилтныг мэднэ. Хаалганы цаад руу шахагдаж буй “амьд үхдэл” төдий, нүд рүү нь эгцлэн харахад хэцүү хамтран ажиллагч байдаг. Хүмүүсийн ярьдгаар “Алдагдсан мөрөөдлийн ширээ”-ний ард өдөр бүр хооллож, дарга нартаа гомдож явдгаа илэрхийлдэг ажилтнууд ч тааралддаг. Өөрөөсөө бусдыг аз жаргалтай болгохын тулд насан туршдаа ажил, амьдралаараа “цирк тоглосноо” нэг өдөр ухаараад, арван таван жилийн турш босгосон ажлын замналаа гэнэт хаясан инженер ч бий.

Ялах талаар ярихад бүгдээр хүмүүсийн тухай байдаг. Иймээс энэ ном хүмүүсийн тухай бөгөөд зарим тохиолдолд тэдний гаргасан алдааг дурдах боловч ихэнхдээ тэдний амжилтын тухай өгүүлнэ. Гэхдээ энэ ном гол төлөв үзэл санаа хийгээд түүнийг амьдралд хэрэгжүүлэх хүч чадлын тухай юм. 

Эдүгээ, энэ цэг дээр үүнд үл итгэн хандах уншигчид гарч ирж болзошгүй. Тэд бодохдоо ялалт бол хорин бүлэгт авч үзэхэд дэндүү нарийн төвөгтэй сэдэв гэх байх. Энэ номд хэдэн хүн, хэдэн үзэл санаа багтаж буйд би огт санаа зовохгүй байна! 

Тийм ээ, ялалт бол хатуу, хэцүүг нь эс дурдлаа гэхэд нарийн төвөгтэй үйл явц. 

Ялалтад хүрч болдог. Та ч ялж чадна. Үүнийг хийхийн тулд ялалтад юу хүргэдгийг та мэдэж авах ёстой. 

Энэ ном энгийн хялбар томьёолол санал болгохгүй. Угаасаа байхгүй. 

Харин номын бүлгээс хамааран зохиогч танд дагаж мөрдөх дүрэм, тооцвол зохих урьдчилсан нөхцөлүүд, зайлсхийх ёстой алдаануудын талаар зөвлөмж өгнө. Стратегийн тухай бүлэгт гурван шаттай үйл явцыг тайлбарласан бол тохиромжтой ажил хайх тухай бүлэгт сайн шинж тэмдгүүд ба сэрэмжлэх дохионуудыг санал болгож байна. Мөн дахин давтан яригдах хэд хэдэн сэдэв буй: шилдэг тоглогчидтой баг ялдаг, иймээс шилдэг тоглогчдыг хайж олоод тогтоож, барь: үйл хэргийг зогсонги байдалд бүү хүргэ: бизнесийн ямар салбарт ажиллаж буйгаас үл шалтгаалан мэдлэгээ цуцалтгүй хуваалц: эерэг сэтгэл гаргаж, түүнийгээ эргэн тойрондоо түгээ: хохирогч байхыг өөртөө хэзээ ч бүү зөвшөөр: бүхний сайн сайхны төлөө хөгжилтэй, таашаалтай ажилла. 

Тийм ээ, хөгжилтэй бай. 

Бизнес бол тоглоом, энэ тоглоомд ялах нь жинхэнэ таашаал мөн!

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 2 цаг 44 мин Мэдээж “Ар нь түүз!” 2 цаг 55 мин И-спорт болон оюуны спортын Азийн анхдугаар наадмыг 2027 онд зохион байгуулна 3 цаг 13 мин Улаанбаатарт өдөртөө 8 хэм хүйтэн 3 цаг 20 мин Аймгуудын өрсөлдөх чадварын 2026 оны тайлангийн үр дүнг танилцуулна 3 цаг 24 мин Д.Трамп Хятадад Ким Жөн Унтай уулзаж магадгүй гэв 3 цаг 29 мин Тайванийн Гадаад хэргийн сайд АНУ-д хоёр дахь удаагаа очжээ 3 цаг 34 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 3 цаг 39 мин Д.Медведев улирлын хаалтын тэмцээнийг хожлоор эхлүүллээ 18 цаг 38 мин “Вояжер-1” сансрын төхөөрөмж түүхэн дээд амжилт тогтооход ойрхон байна 18 цаг 42 мин Голомт банк “Euromoney Awards”-ын дөрвөн төрөлд шилдгээр шалгарлаа 22 цаг 27 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 22 цаг 41 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 22 цаг 53 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... З.Мэндсайхан: Тэтгэвэр, цалингийн нэмэгдлээр дамжуулан ажлын... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Элсэн манханыг тогтворжуулах, элсний нүүдлийг зогсоохоор ажи... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн
Top