x

Сонгууль хүртэл юу ч битгий хийгээрэй, Хотын дарга аа!

Өнгөрөгч шөнө /шөнийн 23.30 цагт/ НЗДТГ-аас автобусны шинэ чиглэлүүдийг буцааж, хуучин чиглэлүүдийг сэргээсэн шийдвэрээ танилцуулсан. Үүний буруутан нь иргэд болж байх шиг байна. Хотын даргын хэвлэлийн төлөөлөгч “6500 гаруй иргэд санал, гомдол ирүүлсэн учраас шинээр гаргасан чиглэлүүдийг буцаалаа” гэсэн байна. Одоо араас нь “Бид шинэчлэл хийх нь хийсэн. Та нар өөрсдөө дэмжээгүй шүү, хохь нь ээ” гэх байлгүй. Зарим нь бүр “үхэр” энэ тэрээр нь дуудаад эхэлчихсэн байна лээ.

Уг нь бол нийтийн тээврийн хүртээмжийг нэмэгдүүлэхийн тулд богино эргэлтүүдийг бий болгох, маршрутын тоог нэмэх гэдэг нь зөв. Х.Нямбаатар ухаантайдаа бодоод олчихсон ч юм биш. Бүр Э.Бат-Үүлийн үеэс ярьж байсан зүйл. Хэрэгжүүлэх гэж үзсэн нь Х.Нямбаатар болохоос биш. Хэрэгжүүлэхдээ бүр яаж хэрэгжүүлсэн гээч. Зүв зүгээр явж байсан чиглэлүүдийг устгаад, бүхнийг цоо шинээр хийх гэж эргүүтсэний гайгаар иргэд амралтын хоёр өдрөөрөө автобусны буудал дээр осгов. Уг нь бол “үндсэн чиглэлүүд” гэж яриад байгаа босоо, хэвтээ чиглэлүүдээ хэвээр нь үлдээгээд, эргэлтийн зайг нь богиносгоод, түүн дээрээ шинэ чиглэлүүдээ нэмээд явчихсан бол иргэдэд ч хүндрэлгүй, өөрсдөд нь ч бэрхшээлгүй байх байлаа.

Гэтэл бүгдийг нь шинээр зураад, чиглэлийн дугаарыг нь өөрчлөөд, иргэдийн хэрэглэж заншсан аппликейшнийг нь  хүртэл устгачихаад, шинэ чиглэлүүдийнхээ мэдээллийг ч урьдчилж өгөлгүйгээр шууд автобусаа явуулаад эхэлсэн. Өмнөх шөнө нь автобусны буудлууд дээр word-оор шивсэн баахан цаас аваачаад наачихсан. Бүх чиглэлүүдээ нэг дор шүү дээ. Уг нь бол өмнөх шигээ тухайн буудал дээр ирэх автобусныхаа чиглэлүүдийг ирэх, буцахаар нь үзүүлчихсэн байхад иргэд ядаж хаана хүрч, хаанаас дамжихаа мэдээд авчихна биз дээ.

Шинээр хийсэн гээд байгаа апп нь чиглэлүүдийнхээ эхлэл, төгсгөлийг заагаагүй, бүтэн тойруулаад оруулчихсан, автобусныхаа хаана явааг заадаггүй гэх мэтчилэн өмнө ашиглаж байсан апп-аас долоо дордуулаад хаячихсан. 2021 оны сонгуулиар ганцхан удаа МАН-ын апп-ыг хийсэн компани үүнээс илүү юу ч хийх вэ дээ. Тэгээд тэрийгээ бас “Үндэснийхээ компаниар хийлгэсэн. Өмнө хийлгэсэн Солонгос компаниар хийлгэвэл үнэтэй тусах гээд байсан” гэж мэлзээд байгаа. Уг нь бол Солонгосын компани “үнэгүй шинэчлэл хийж өгнө өө” гэсэн юм байна лээ шүү дээ, угаасаа анх байгуулсан гэрээ нь тийм. Гэтэл хотын дарга саяхан UB smart card компанитай байгуулсан гэрээг цуцлахдаа “Гэрээ байгуулсан цагаас хойш аппликейшны хөгжүүлэлт нэг ч удаа хийгээгүй” гэж тайлбарласан. Тэр нь хүртэл худлаа байсан. Яг шинэчлэл хийх дээрээ ирэхээрээ өөрсдөө муриад, оронд нь ямар ч туршлагагүй, өөрсдийн компанийг оруулж ирээд дампууруулж байгаа юм.

Өнөөдрөөс өмнө явж байсан 110 чиглэлээс 71 чиглэлийг сэргээж, хуучнаар нь явуулж эхэллээ. Шинээр төлөвлөсөн 74 чиглэлээс 34-ийг үргэлжлүүлэхээр болж байна. Автобусны хуучин апп нь хэвийн ажиллаад эхэлсэн байна, шинэ чиглэлүүдээ оруулчихсан байна. Анхнаасаа ингэж хийхгүй яасан бэ? гэдэг ч бас асуулт. Хийчихээд дараа нь амаа барьдаг биш, асуучихаад дараа нь хийдэг баймаар байна. Автобусанд ганц удаа сууж үзээгүй дарга нар автобусны маршрут зохиодоггүй баймаар байна. Хамгийн гол нь хийж байгаа ажил нь шийдвэр гаргаж байгаа нөхдийн төлөө биш, тэр шийдвэрт нь өртөж байгаа иргэдийнхээ төлөө баймаар байна. Х.Нямбаатар ганцаараа “алаад өгсөн” шийдвэр гаргаад, тэр шийдвэрийнх нь үзүүрт иргэд удаа дараа "алуулаад" баймааргүй байна. Жаахан ч гэсэн мэргэжлийн бай. Тэгээд болж өгвөл юу ч битгий хий, Хотын дарга аа. Тэгж байтал сонгууль ч болно...

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 2 цаг 44 мин Мэдээж “Ар нь түүз!” 2 цаг 55 мин И-спорт болон оюуны спортын Азийн анхдугаар наадмыг 2027 онд зохион байгуулна 3 цаг 13 мин Улаанбаатарт өдөртөө 8 хэм хүйтэн 3 цаг 20 мин Аймгуудын өрсөлдөх чадварын 2026 оны тайлангийн үр дүнг танилцуулна 3 цаг 24 мин Д.Трамп Хятадад Ким Жөн Унтай уулзаж магадгүй гэв 3 цаг 29 мин Тайванийн Гадаад хэргийн сайд АНУ-д хоёр дахь удаагаа очжээ 3 цаг 34 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 3 цаг 39 мин Д.Медведев улирлын хаалтын тэмцээнийг хожлоор эхлүүллээ 18 цаг 38 мин “Вояжер-1” сансрын төхөөрөмж түүхэн дээд амжилт тогтооход ойрхон байна 18 цаг 42 мин Голомт банк “Euromoney Awards”-ын дөрвөн төрөлд шилдгээр шалгарлаа 22 цаг 27 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 22 цаг 41 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 22 цаг 53 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... З.Мэндсайхан: Тэтгэвэр, цалингийн нэмэгдлээр дамжуулан ажлын... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Элсэн манханыг тогтворжуулах, элсний нүүдлийг зогсоохоор ажи... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн
Top