x

"Буруу эрхэлсэн хүүхэд бухын хүзүүнээс хатуу" хэмээсэн Л.Оюун-Эрдэнэ, Х.Нямбаатарын хоршил

Нийслэлийн шинэ дарга Х.Нямбаатар өчигдөр ажлаа хүлээж авчээ. Хотын даргын албан тушаалын төлөө УИХ-ын гишүүний бүрэн эрх, Сонгинын иргэдийн итгэж өгсөн мандатаас татгалзсан (сайдын суудлыг яах вэ, үеэл нь өгсөн юм байж) түүний хүсэлтийг өчигдрийн чуулган ёсоор болгов. Айхтар муухай жишиг тогтож байна даа. УИХ-ын гишүүний мандат гэдэг албан тушаал наймаалцдаг хэрэглүүр болчихлоо шүү. Өмнө нь Сумьяабазар нэг удаа мандатаа буцаасан. Тэр үед ядаж л нийслэлд намаа ялуулчихаад хот руу ирсэн л дээ. Харин Х.Нямбаатар гэдэг хүн өчигдөр “2024 оны УИХ-ын сонгуульд нэрээ дэвшүүлэхгүй. Нийслэлийн Засаг даргын бүрэн эрхийн хугацаа дуустал ажиллахыг хүсч байна” гэж донгосчээ. Ирэх онд нийслэлд сонгууль явахгүй гэсэн үг үү? Энэ нөхөр өөрийгөө арай дөрвөн жилийн хугацаатай томилогдсон гэж эндүүрээгүй биз дээ.

Бүр 2020 оны сонгуулийн дараа, УИХ-ын гишүүн болчихоод байхдаа л "Нийслэлийн иргэд зөвшөөрвөл би хотын дарга болмоор байна" гээд шүлсээ үсэргээд явж байсан нөхөр шүү дээ. Тэр үед нь тавьчихсан бол хуулийн салбар өнөөдөр ийм болтлоо дампуураа ч үү. 

Хоёр дахь нь Ерөнхий сайд Л.Оюун-Эрдэнийн хийсэн мэдэгдэл. Тэр Х.Нямбаатарт хотын даргын тамгыг хүлээлгэж өгөхдөө “дунд шатны авилгыг цэгцлэх” үүрэг өгчээ. Үүгээр хотын даргыг НИТХ-ээс нэр дэвшүүлэх биш, Ерөнхий сайд шууд томилсон шалтгаанаа зөвтгөж байгаа юм шиг байна. Ингэхэд бид хотын даргатай болчихов уу, эсвэл хотын асуудал эрхэлсэн Хуулийн сайдтай болчихов уу? Нүүрсний сонсгол, ногоон автобусны хэргээ хааш нь чихэж орхиод ирэв?

Уг нь хотын дарга хотын иргэдэд үйлчлэх, эрүүл аюулгүй орчинд амьдрах эрхийг нь хангах, нийтийн тээврийг сайжруулах, агаар, хөрсний бохирдлыг арилгах, өвөлд нь хөлдөөчихөлгүй онд оруулах (уг нь ганцхан өвөл үлдээд байгаа) үүрэгтэй. Аль ч шатны авилгыг илрүүлэх, таслан зогсоох чинь хуулийн байгууллагын, хууль сахиулагчдын үүрэг. Атал Хууль зүйн сайд байхдаа нам доторх авилгаа цэгцэлж чадаагүй хүн одоо хотын дарга болчихоод "авилгатай тэмцэнэ" гэдэг нь яг юу гэсэн үг вэ?

Ийм л нэг тэмээ гэхээр ямаа ярьдаг, ямаа гэхээр тэмээ руу чирдэг буруу ишилсэн сүх шиг хоёр нөхөр нийслэлийг хуваан захирахаар боллоо. Тэгээд “Засгийн газар нийслэлд бүгдийг даатгаад орхисон нь асуудлыг ужигрууллаа. Энэ удаа Засгийн газар нийслэлийн асуудалд дэмжлэг үзүүлэх биш, шууд оролцож ажиллана” гэв.

Юу яасан нөгөө Үндсэн хуульд заасан нутгийн өөрөө удирдах ёс, орон нутгийн бие даасан байдал. Төсвөө баталдаг, хяналтаа тавьдаг НИТХ-ын эрх мэдлийг бол зад авлаа, байхгүй болголоо. 

Атал манай “ард түмэн” нөгөө хоёрт чинь амжилт хүсээд, алгаа хорстол ташаад сүйд гэнэ ээ. Буруу эрхэлсэн хүүхэд бухын хүзүүнээс хатуу л гэдэг. Ер нь тэгээд иймэрхүү үл бүтэх, хууль ёс, хэм хэмжээг үл сахих, уландаа гишгэх хонгио толгойтой нөхдийг оройдоо залчихаад, дураараа дургиж, дунд чөмгөөрөө жиргэхийг нь хараад толгой дохиод сууж байгаа бидний л буруу шүү дээ. Бид л өөрсдөө өөрсдийнхөө нүд рүү хуруугаа хийсэн болж таарлаа.

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 3 цаг 4 мин Мэдээж “Ар нь түүз!” 3 цаг 15 мин И-спорт болон оюуны спортын Азийн анхдугаар наадмыг 2027 онд зохион байгуулна 3 цаг 33 мин Улаанбаатарт өдөртөө 8 хэм хүйтэн 3 цаг 40 мин Аймгуудын өрсөлдөх чадварын 2026 оны тайлангийн үр дүнг танилцуулна 3 цаг 44 мин Д.Трамп Хятадад Ким Жөн Унтай уулзаж магадгүй гэв 3 цаг 49 мин Тайванийн Гадаад хэргийн сайд АНУ-д хоёр дахь удаагаа очжээ 3 цаг 54 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 3 цаг 59 мин Д.Медведев улирлын хаалтын тэмцээнийг хожлоор эхлүүллээ 18 цаг 58 мин “Вояжер-1” сансрын төхөөрөмж түүхэн дээд амжилт тогтооход ойрхон байна 19 цаг 2 мин Голомт банк “Euromoney Awards”-ын дөрвөн төрөлд шилдгээр шалгарлаа 22 цаг 47 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 23 цаг 1 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 23 цаг 13 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... З.Мэндсайхан: Тэтгэвэр, цалингийн нэмэгдлээр дамжуулан ажлын... 1926-1930 онд Герман улсад суралцсан монгол залуучуудын боло... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ...
Top