x

Украинаас илгээсэн захидал

Олон улсын мэдээгээр Володимир Зеленський энд тэнд айлчиллаа гэдгийг сонсноос биш хэлсэн үгийг нь тогтоон анхаарч үзээгүй бололтой. Дэлхийн хамтын нийгэмлэгээс өнөөг хүртэл Украин дэмжлэг авсаар яваагийн нууц түүний үг ярианд байж. Өнгөрсөн хугацаанд Украины ерөнхийлөгчийн дэлхийн олон газарт хэлсэн үгийн эмхтгэл түүний илтгэх авьяас чадварыг тодорхой харуулжээ.

Өнөөдөр Украины ерөнхийлөгч хэн бэ гэдгийг дэлхий даяараа мэднэ. Бүр нэрийг нь яаж бичихийг ч андахаа больсон. Володимир Зеленський 2019 оны есдүгээр сард НҮБ-ын Ерөнхий ассамблей дээр “Хэзээ нэг өдөр энэхүү илтгэлийг «Дэлхийг өөрчилсөн 15 минут» хэлж нэрлээсэй гэж хүсэж байна. Гэвч мянга мянган жил оршин тогтнож ирсэн зүйлийг 15 минутад өөрчлөх боломжгүй гэдгийг би сайн мэдэж байна” гэжээ. Байдаг л нэг өгүүлбэр. Байдаг л нэг ерөнхийлөгч. Монголчуудын зарим нь Володимир Зеленськийг “Ард түмний барлаг” телевизийн цувралаас анх харсан болов уу. Гэхдээ дайн түүнийг, тэр дундаа сэтгэлгээ сэтгэхүйг нь, илтгэх чадварыг нь хүн төрөлхтөнд харууллаа. Энэ авсаархан эмхтгэлийг сөхөж хараад өнгөрсөн хугацаанд төрсөн олон уран илтгэгчийн жагсаалтад Зеленський албан ёсоор нэрээ бичүүлнэ гэдэг бодол аяндаа танд төрнө.

Украины ерөнхийлөгч дэлхийн олон орны парламентад үг хэллээ. Тэр тоолондоо хүмүүсийг өөртөө татсаар өнөөг хүрэв. Зеленський үг хэлэхдээ нутаг орны онцлог, үүх түүхийг заавал хөнддөг ажээ. Жишээ нь, 2022 онд Их Британий парламентад хэлсэн үгээ ДэлхийнIIдайны жил У.Чөрчиллийн хэлсэн санаагаар төгсгөсөн бол АНУ-ын Конгрессийн индрээс Тусгаар тогтнолын тунхгийг эшилсэн. Харин ХБНГУ-ын Бундестагт очоод “Умрын урсгал” хийн хоолойг “Берлиний шинэ хана” гэж нэрлээд нураахыг шаардсан байна.

Телевизийн олон ангит цувралын гол дүр Зеленськийг Орос, Оросыг баримтлагч нар зүйл бүрээр гутаан доромжилсон ч муу нэрэнд багтчихаар эр биш аж. ОХУ-ын зэвсэгт хүчин Украинд халдан довтолсон өдөр “Володимир Зеленський нар Украинаас амь зулбан зугатсан” гэдэг яриа гарч, Оросын төрийн мэдээллийн агентлагууд “ердөө гурав хоногийн дараа Киевт ялалтын парад алхана” гэцгээж байлаа. Гэтэл Зеленський ердөө маргааш орой нь төрийн ордныхоо гаднаас гар утсаараа “Бид байна. Киевт байна. Бид Украиныгхамгаална”  https://www.youtube.com/watch?v=tLv9IqcoNe8 гэдэг минут хүрэхгүй видео мэдэгдэл хийсэн. Үзсэн хэнийг ч огшоох мөнхүү мэдэгдлээс хойш хүн бүрийн танил болсон Зеленьсийг хүртэлх гашуун түүх гал цогтой үгсийн энэ эмхтгэлд багтсан байна. Зеленський нэгэнт супер од болжээ, тэр дундаа Жэймс Бондтой зүйрлэгдэж байна. Гэхдээ тус номын өмнөх үгийг бичсэн Аркадий Островскийн тодорхойлсноор Зеленський бол “онцгой нөхцөл байдалд орсон эгэл жирийн хүн” гэнэ.

Зеленський цэрэг ногоон өмсгөлтэй, цээжиндээ цэцэн үгтэй нөхөр биш. Хатуу хөтүү үгээ хөвөнд боож шидээд байдаг ч эр биш. Украины дайны шалтгаан хаана, юунд байна гэж бодсноо шулуухан хэлдэг. Мюнхэний аюулгүй байдлын бага хурлын индэр дээрээс “Дэлхийн аюулгүй байдлын архитектур бараг л сүйрсэн. Засаж янзлах талаар бодоход дэндүү оройтжээ. Тиймээс шинэ систем бүтээх цаг болж” хэмээн машид тодорхой ярьсаннь өдөр өдрөөр батлагдаж байх шиг. Аль Крымын хэрэг явдлаас хойш Зеленський Европын холбоо болоод дэлхий дахинд хандсан ч бид чихэн дүлий өнгөрөөснийхөө горыг амсах цаг ирсэн ч юм шиг... Энэ номд У.Чөрчилл хэдэнтээ дурдагсан нь санамсаргүй тохиолдол биш. Их Британий ерөнхий сайд асан Борис Жонсон түүнийг У.Чөрчиллтэй зүйрлэсэн удаатай. Зүйрлэхэд болохгүй юмгүй нөхцөл байдлаас тодрон гарсан хоёр дүр.

Даахин дор хүлэг, дахан дор эр гэж... Зеленський “Бид баатар биш” гээд “Бид байх ёстой газраа хийх ёстойгоо л хийж байна” гэж билээ. Уг илэрхийллийг Шекспирийн Юлии Цезарь зохиолын баатар Антонигийн “Би Брут шиг цэцэн цэлмэг биш” гэдэг үгтэй зүйрлэж болом. Эс бөгөөс 1585 онд Испани Английг эзлэхээр “Ялагдашгүй Армада” флотоо зэхэж байхадIЕлизавета хатан хаан “Би эм хүний турьгүй биетэй боловч, надад Английн хааны зүрх сэтгэл, эр зориг бий” гэж Тилберид хэлсэн үгтэй адилтгаж бололгүй яах вэ.

Украинаас илгээсэн захидалд Зеленськийн хэлсэн 16 үг багтсан. Дөрөв нь энх цагт хамаарах бол бусад нь дайны гал дүрэлзсэн өдрүүдэд хүмүүсийн сонорт хүржээ. XXI зуун гарсаар ардчилал, эрх чөлөө, тусгаар тогтнолын талаар Зеленськийгээс өөр хэн ч ийм товчхон, цэгцтэй бас цохилттой үг хэлээгүй байна. Зуу гаруйхан нүүртэй энэ эмхтгэлийг зуурын дотор уншивч утга агуулга нь дараагийн зуунд ч хуучрахгүй буй за.

 

Нийтэлсэн NEPKO

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Зочин (172.69.252.164)
    би зеленскийд дургзй ээ украйн ард түмнийг самарсан хүн гэж боддог ерөнхийлөгч хүн ард түмнээ хайрлах ёстой. зеленский новш үхэж далд ороосой!
    2023 оны 10 сарын 10 | Хариулах
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 3 цаг 4 мин Мэдээж “Ар нь түүз!” 3 цаг 15 мин И-спорт болон оюуны спортын Азийн анхдугаар наадмыг 2027 онд зохион байгуулна 3 цаг 33 мин Улаанбаатарт өдөртөө 8 хэм хүйтэн 3 цаг 40 мин Аймгуудын өрсөлдөх чадварын 2026 оны тайлангийн үр дүнг танилцуулна 3 цаг 44 мин Д.Трамп Хятадад Ким Жөн Унтай уулзаж магадгүй гэв 3 цаг 49 мин Тайванийн Гадаад хэргийн сайд АНУ-д хоёр дахь удаагаа очжээ 3 цаг 54 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 3 цаг 59 мин Д.Медведев улирлын хаалтын тэмцээнийг хожлоор эхлүүллээ 18 цаг 58 мин “Вояжер-1” сансрын төхөөрөмж түүхэн дээд амжилт тогтооход ойрхон байна 19 цаг 2 мин Голомт банк “Euromoney Awards”-ын дөрвөн төрөлд шилдгээр шалгарлаа 22 цаг 47 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 23 цаг 1 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 23 цаг 13 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... З.Мэндсайхан: Тэтгэвэр, цалингийн нэмэгдлээр дамжуулан ажлын... 1926-1930 онд Герман улсад суралцсан монгол залуучуудын боло... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ...
Top