Хичээлийн шинэ жил эхлэж буйтай холбогдуулан гэр болон сургуулийн орчинд коронавируст халдвар болон ханиад томуугаас урьдчилан сэргийлэх зөвлөмжийг Эрүүл мэндийн яамнаас сурагчдад зориулан гаргажээ.

Гэртээ:

• Өглөө, оройд сода, давс сармисны уусмалын аль нэгээр хоолойг зайлах;

• Амны хаалт, гар халдваргүйжүүлэгч, нойтон алчуур цүнхэндээ хийсэн эсэхээ шалгах;

• Хоолой өвдөж, ханиалгаж, халуурвал гэрийнхэндээ болон багшдаа хэлээд хичээлдээ явахгүй байх;

Сургуульдаа явахдаа:

• Цаг агаарын байдалд тохируулан хувцаслах;

• Амны хаалт зүүх /Агаарын бохидолтой үед хепа шүүлтүүртэй амны хаалт зүүх/;

• Нус, шүлсээ ил задгай хаяхгүй байх;

• Олон хүнтэй газраар явахгүй байх;

Сургуулийн орчинд:

• Биеийн халуунаа шалгуулах;

• Гадуур хувцастай анги, танхимд орохгүй байх;

• Амны хаалтаа тогтмол, зөв зүүх;

• Гараа сайтар савандаж 20-30 секунд угаах;

• Гар угаах боломжгүй үед гар халдваргүйжүүлэгч хэрэглэх;

• 1-1.5 метрийн зай барих;

• Гараа ам, хамар нүдэндээ хүргэхгүй байх;

• Тагтай аяга, таваг хэрэглэх, ам дамжуулан идэж, уухгүй байх;

• Гарын шууны дотор тал руу ханиах, найтаах;

• Хувцас, хичээлийн хэрэгсэл, усны сав болон бусад эд зүйлсийг хоорондоо сольж хэрэглэхгүй байх, таних тэмдэг тавих;

• Бусадтай гар барихгүй, тэврэлдэхгүй, ноцолдохгүй байхыг зөвлөж байна.