Нефть олборлодог улс орнууд дэлхийн эдийн засагт үзүүлэх дарамтыг багасгах, үнийг бууруулах зорилгоор бүтээгдэхүүнийхээ хэмжээг нэмэгдүүлэхээр тохиролцов.
Орос зэрэг томоохон улстай түншилдэг Опек картель цар тахлын хоёр жил хагасын үеэр үнэ дээд түвшинд хүрч, нийлүүлэлтээ нэмэгдүүлэхээр болов.
Энэ алхам нь шахуурга дээрх бензиний үнэд нөлөөлөх ёстой.
Brent маркийн газрын тосны үнэ энэ жил 43 хувиар өсч, нэг баррель нь бараг 74 ам.доллар болжээ.
Өнгөрсөн жил Опек болон түүний түншүүд цар тахлын улмаас эрэлт буурч, үнийн уналт дунд олборлолтоо өдөрт 10 сая баррелиар бууруулсан байна.
Гэсэн хэдий ч энэ жил эдийн засаг дахин нээгдэж байгаатай холбогдуулан газрын тосны үнэ огцом өсч, зарим улс оронд инфляци өсөхөд нөлөөлж, дэлхийн сэргэлтэд тоормосоо дарах аюул заналхийлж байна.
Нефть олборлогчид энэ цомхотголыг бууруулахыг эрмэлзэж байсан боловч Саудын Араб, Арабын Нэгдсэн Эмират улсын хооронд үүссэн маргаан Долдугаар сарын эхээр төлөвлөгөөг тасалдуулж болзошгүй байв.
Мөн Абу-Даби нь Рияд ба Москвагийн газрын тосны олборлолтын шаардлагыг няцаасны дараа үйлдвэрлэлийн хязгаарыг 2022 он хүртэл сунгах саналыг зогсоосон байв.
Ойрын холбоотнуудын хооронд үүссэн ер бусын олон нийтийн маргаан нь дэлхийн газрын тосны нийлүүлэлтийн 50 гаруй хувийг хянадаг "Опек+" картелийн тогтвортой байдлын талаархи айдсыг төрүүлж байсан юм.
Шинэ гэрээний дагуу Опек болон түүний түншүүд зах зээлийг тогтворжуулахад туслах зорилгоор 2021 оны Наймдугаар сараас өдөрт хоёр сая баррелиар нэмэгдүүлэн нийлүүлэхээр болжээ.
Түүнчлэн 2022 оны Тав дугаар сараас эхлэн АНЭУ, Саудын Араб, Орос, Кувейт, Ирак зэрэг хэд хэдэн гишүүн орны хувьд илүү өндөр үйлдвэрлэлийн квот тохиролцов.
ОХУ-ын Ерөнхий сайдын орлогч Александр Новак олон нийтийн телевизийн "Россиа 24" суваг дээр гишүүд "бүтээлч" байсан бөгөөд "зөвшилцөл" олсон гэж мэдэгдэв.
Тэрээр "Цар тахлыг одоо болтол арилгаж чадаагүй байгаа ч дэлхийн өнцөг булан бүрт вакцинжуулалтын ачаар манай үйлдвэрлэлийн эрэлт хэрэгцээ автомашин, агаарын хөлгийн адил сэргэж байгааг бид харж байна. Тиймээс бид өөрсдийн үүргээ биелүүлж, дэлхийн эдийн засгийг сэргээх боломжийг олгох нь маш чухал юм" гэжээ.
Б.Бүжлхамаа
www.bbc.com
