x

“Спутник-V” вакцины 300 мянган тун “хүмүүнлэгийн тусламж” юм бол яагаад уул уурхайн компани худалдан авалт хийнэ гэж?

Вакцин, вакцинжуулалтын асуудал үүссэн нөхцөл байдлын хувьд ч, шинжлэх ухаан талаасаа ч бидний сүүлчийн найдвар болоод байна. Хамгийн сүүлийн үеийн сайн мэдээ гэвэл Гадаад харилцааны сайд Б.Батцэцэг энэ сарын 26-ны шөнө “ОХУ-аас нэг сая тун Спутник-Vвакциныг манай улс худалдан авахаар боллоо. ОХУ маш их захиалгатай байгаа бөгөөд Монгол Улсын Ерөнхий сайд, Шадар сайдын албан захидал, Засгийн газрын уйгагүй хэлэлцээний үр дүн ийнхүү гарч байна. Асуудлыг нааштай шийдвэрлэж буй ОХУ-д талархал илэрхийлье” хэмээн цахим орчинд “хар ярианы хэлээр” мэдээлсэн. 

Үүний дараа Монгол Улын Засгийн газрын албан ёсны хаягаас Монгол Улсын Засгийн газар болон Улсын онцгой комиссийн даргын зүгээс ОХУ-ын талд “Спутник-V вакциныг ойрын хугацаанд нийлүүлэх албан хүсэлт хүргүүлсний дагуу нэг сая тун нийлүүлэх болсон тухайгаа ОХУ-ын Аж үйлдвэр, худалдааны сайдын үүрэг гүйцэтгэгч Сергей Анатольевич Цыб өнөөдөр Шадар сайд С.Амарсайхантай цахимаар уулзах үеэрээ мэдэгдлээ. Монгол Улсын Ерөнхий сайд Л.Оюун-Эрдэнэ ОХУ-ын Засгийн газрын дарга М.В.Мишустинд, Шадар сайд С.Амарсайхан Оросын шууд хөрөнгө оруулалтын сангийн ерөнхий захирал К.А.Дмитриев нарт тус тус захидал илгээсний дагуу энэхүү вакцин нийлүүлэх гэрээг байгуулжээ. ОХУ-аас худалдан авах гэрээний хүрээнд нэг сая тун вакцин нийлүүлэхээс гадна хүмүүнлэгийн тусламжаар 300 мянган тун “Спутник-V” вакциныг нэмж нийлүүлэхээр ажиллаж байгаа талаар ОХУ-ын Аж үйлдвэр, худалдааны сайдын үүрэг гүйцэтгэгч Сергей Анатольевич Цыб уулзалтын үеэр мэдэгдлээ. Хоёр орны Засгийн гарын зүгээс шаардлагатай бичиг баримтуудыг бүрдүүлсэн учраас ирэх сарын эхээр болон дундуур 1.3сая тун вакциныг хоёр хувааж ирүүлэхээр боллоо” гэж мэдээлэв.

Тэгэхээр эхлээд Гадаад харилцааны сайд худалдан авах гэрээний хүрээнд авах нэг сая тун вакцинаа мэдээлсэн аж. Харин “хүмүүнлэгийн тусламжаар нэмж авах” 300мянган тун вакцины тухайд Шадар сайд С.Амарсайханаас Оросын шууд хөрөнгө оруулалтын сангийн ерөнхий захирал К.А.Дмитриевт илгээсэн захидал анхаарал татаж байгаа юм. 

 

“Монгол Улсын Засгийн газрын нэрийн өмнөөс бичсэн түүний захидалд хүн амаа яаралтай вакцинжуулах шаардлагатай байгааг дурдаад Монгол Улсын Засгийн газрын нэрийн өмнөөс болон Шадар сайдын хувьд эдгээр хэлэлцээрийг удирдан чиглүүлж байгаагийн хувьд эхний ээлжинд хамгийн эмзэг бүлгийн хүн амын аюулгүй байдлыг хангах үүднээс 300 мянган тун “Спутник-V” вакциныг худалдан авах “QSC” компанид итгэн батламжилж байгаагаа” энэ захианд илэрхийлжээ. Мөн “Спутник-V”-ийг үйлдвэрлэгчид болон COVID-19-ийн эсрэг вакцины дистрибьютерууд техникийн болон санхүүгийн холбогдох мэдэээллийг өгөхийг хүсчээ.

Уг захидалтай хамт “Quality steel corporation”/QSC/компаниас мөн Оросын шууд хөрөнгө оруулалтын сангийн ерөнхий захирал К.А.Дмитриевт захидал илгээсэн байдаг. Үүнд “Засгийн газраас уг худалдан авалтыг удирдан зохион байгуулж байгааг дурдан баталгаа өгч байгааг болон“...Энэ төрлийн гүйлгээний чиглэлээр туршлагатай, уул уурхай, аж үйлдвэрийн итгэмжлэгдсэн аж ахуйн нэгж болохоо онцолж “Бидэнд тулгараад буй эгзэгтэй нөхцөл байдлын улмаас бизнесийн хэлэлцээрийг аль болох хурдан эхлүүлэхийг хүсч байна. Хамтран ажиллах саналыг хүлээн авсын дараа шаардлагатай бүх мэдээллэл, гарын үсгийг идэвхүүлэхийн тулд Засгийн газартай ажиллах болно. Манай компани /AsC LLC/ амжилттай худалдан авалт хийхэд шаардлагатай хөрөнгөтэй гэдгийг бид баталж чадна. Гүйцэтгэх захирал Энхбаярын Шижир” гэжээ.

Тэгэхээр “Спутник-V” вакцины 300 мянган тунг хүмүүнлэгийн чиглэлээр бус худалдан авах нь гэж ойлгогдож байгаа юм. Ямар шалгуураар гэдэг нь тодорхойгүйгээр уул уурхайн чиглэлийн “Quality steel corporation”/QSC/ компани төлбөрийг хийх бөгөөд УОК-ийн дарга, Шадар сайд С.Амарсайхан Засгийн газрын нэрийн өмнөөс баталгаа гаргаж өгч байгааг захидлаас харлаа. Харин Засгийн газар яагаад хүмүүнлэгийн тусламжаар ирж байгаа гэж мэдээлсэн юм бол?

Нөгөөтэйгүүр үүний өмнө буюу 2021 оны хоёрдугаар сарын 27-ны өдөр Сөүлийн тусгай үүргийн нислэгээр ирсэн10 мянган хүнд хийх 20 мянган тун вакциныг “Монгол эм импекс концерн” буюу “МЭИК” ХХК оруулж ирсэн. УИХ-ын гишүүн асан Б.Ундармаагийн дүү Б.Болормаа доктор удирдах болсон тус компанийн “Спутник-V” вакциныг оруулж ирсэн гаалийн баримтаас харахад үнэд нэг тун нь4.2 ам.доллар, хоёр тун нь 8.4 ам.доллар бөгөөд гаалийн татвараас таван хувь, НӨАТ-аас 10хувь, нийт 50.4сая чөлөөлөлт эдэлж татваргүй орж ирсэн бөгөөд одоо гадуур хийгдэж байгаа120 мянган төгрөгөөр хийгдсэн гэдэг.

Монголбанкны өнөөдрийн ханшаар нэг хүн хоёр тун вакцин хийлгэхэд 23.931 төгрөг болж байна. Гэтэл 120 мянган төгрөгөөр хийлгэсэн гэсэн үг. Үүнд УИХ-ын гишүүн асан Б.Ундармаагийн дүү Б.Болормаагийн “Монгол им импекс концерн” ХХК болон “Интермед” эмнэлгийн аль нь хэр хэмжээний ашиг орлого олсныг холбогдох байгууллага шалгах биз. Харин цар тахлын онцгой үед Засгийн газарт хүсэлтээ өгч вакцин оруулж ирэхдээ ашиг харах шаардлагатай гэж үү? Тэгвэл энэ удаад ирэх “хүмүүнлэгийн” гэх боловч худалдан авалтаар ирэх “захиа” дагуулсан300мянган тун вакциныг ямар үнээр хийх бол. Засгийн газрын худалдан авах нэг сая тун вакциныг дахиад л “Монгол эм импекс концерн” компаниоруулж ирэх үү? Өдрөөс өдөрт нэмэгдсээр байгаа вирусийн халдвар түгшээж, байгаа бүхнээ хүн амаа вакцинжуулахад зориулахад бэлэн байгаа энэ үед ашиг харалгүй вакцинаар хангах хүч Засгийн газарт бий, тийм эрх мэдэл, хөрөнгө хүчийг ч хангалттай олгосон гэж найдаж байна.

У.Оргилмаа /baabar.mn/

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 21 мин Шөнийн автобус 22:00-02:00 цагийн хооронд үйлчилж байна 28 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 32 мин Засгийн газар: Төрийн өмчит компанийн тоог 85 болгон цөөлнө 1 цаг 17 мин З.Мэндсайхан: Оюу Толгойн хэлэлцээрийн баг удахгүй ирнэ 7 цаг 47 мин Мэдээж “Ар нь түүз!” 7 цаг 58 мин И-спорт болон оюуны спортын Азийн анхдугаар наадмыг 2027 онд зохион байгуулна 8 цаг 16 мин Улаанбаатарт өдөртөө 8 хэм хүйтэн 8 цаг 23 мин Аймгуудын өрсөлдөх чадварын 2026 оны тайлангийн үр дүнг танилцуулна 8 цаг 27 мин Д.Трамп Хятадад Ким Жөн Унтай уулзаж магадгүй гэв 8 цаг 32 мин Тайванийн Гадаад хэргийн сайд АНУ-д хоёр дахь удаагаа очжээ 8 цаг 37 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 8 цаг 42 мин Д.Медведев улирлын хаалтын тэмцээнийг хожлоор эхлүүллээ 23 цаг 41 мин “Вояжер-1” сансрын төхөөрөмж түүхэн дээд амжилт тогтооход ойрхон байна 23 цаг 45 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top