x

Ардчиллын “сүүлчийн цайзыг” нурааж мэдэх бодит заналхийлэл нь Ерөнхийлөгч өөрөө

Монгол Улсын Ерөнхийлөгч Х.Баттулга өнгөрөгч амалтын өдрөөр өөрийн албан ёсны цахим хуудсаар дамжуулан АН-ын гишүүд, дэмжигчдэд ил захидал илгээжээ.

Ерөнхийлөгч уг захидалдаа “Ардчиллын сүүлчийн цайз” болсон АН-ын гишүүд дэмжигчдэд “дотоод хагарал тэмцлээ зогсоож, эвлэлдэн нэгдэхийг” уриалсан байна. Мөн АН-ын даргад нэр дэвшигчдэд өрсөлдөөний чөлөөт боломжийг олгох, “эрх баригчдыг сөрөн зогсох сэтгэлийн хаттай, зохион байгуулах туршлага чадвартай, улс орны нөхцөл байдал тулгамдсан асуудлыг томоор харах, шийдэл олох чадвартай намын дарга бидэнд чухлаар шаардагдаж байгааг” онцолсон байна.

Энэ хэсэг “бидэнд” гэдэг үг орсон нь анхаарал татна. Өөрөөр хэлбэл, Ерөнхийлөгч өөрийгөө АН-ын гишүүнд тооцож, түүний шинэчлэл болон намын даргын сонгуульд бодитойгоор оролцож буйгаа зарласан хэрэг.

Уг нь бол Х.Баттулга гэдэг хүн АН-ын гишүүнээс түдгэлзээд дөрвөн жил болж байна. Тиймээс удахгүй болох Ерөнхийлөгчийн сонгуульд намаасаа нэр дэвшихээс бусад тохиолдолд АН-ын дотоод үйл ажиллагаанд оролцох эрхгүй гэсэн үг. Мөн сүүлийн дөрвөн жилд /өмнө тус намаас УИХ-ын гишүүнээр сонгогдон ажиллаж байсан сүүлийн дөрвөн жилийг оруулаад найман жил/ АН-ын эв нэгдлийг хагалан бутаргахаар хийсэн зүйлийг нь бодвол ингэж хэлэх эрхгүй хүн л дээ. Гэвч “оргүйгээс оройтсон нь дээр” гэдэг болохоор одоо ч болтугай энэ намын төлөө сэтгэл зовниж буй нь сайшаалтай. Гэхдээ...

Гэхдээ түүний энэ санаа зовнилын цаана үнэхээр “Ардчиллын сүүлийн цайзыг” хамгаалах гэсэн хүсэл зорилго байсан уу, эсвэл АН-аас Ерөнхийлөгчийн сонгуульд хоёр дахиа нэр дэвших гэсэн хувийн хүсэл шунал нь хөтөлсөн үү? гэдгийг цаг хугацаа удахгүй харуулах биз.

Ямартай ч түүний ил захидалд дурьдсанаар “хүн амын 30 хувь нь ядууралд өртөж, бүхэлдээ 1.9 сая иргэд ядуурлын ирмэгт ирсэн нь 2016, 2020 оны сонгуулийн шууд үр дүн юм бол тухайн сонгуулиудаар МАН үнэмлэхүй олонхи болж ялалт байгуулахад шууд болон шууд бусаар нөлөөлсөн хүмүүсийн нэг нь одоогийн Ерөнхийлөгч Х.Баттулга өөрөө юм. Угаасаа АН-аас сонгогдсон Ерөнхийлөгч болгон /П.Очирбатыг оролцуулахгүйгээр/ Ерөнхийлөгч болонгуутаа намаа дотроос нь хагалан бутаргах үйл ажиллагаа явуулж ирсэн байдаг. Ц.Элбэгдоржийн үед ч тийм байсан. Х.Баттулгын үед ч мөн адил.

Аль ч тохиолдолд нам дотроо өөрийн гэсэн бүлэг фракцийг тусгаарлах замаар өөрийнхөө эрх мэдлийг зузаатгахад ашиглаж, өөрийг нь үл тэвчсэн хэсгийг нь нийгмийн шаар шавхруу болгон харагдуулах замаар замаасаа зайлуулж ирсэн билээ. Ялангуяа Х.Баттулгын бүрэн эрхийг дөрвөн жил АН доторх өөрийн дайсан гэж үзсэн өрсөлдөгчдөө дарахад зарцуулагдсан гэж болно. М.Энхсайхан. Да.Ганболд, С.Баярцогт нар шоронд байгаа шалтгаан нь ердөө л энэ.

Харин уг ил захидалд анх удаагаа дурьдсан “ардчиллыг харлуулах, гутаах, төрийн оролцоог ихэсгэх замаар хүнд суртлын тогтолцоо бүрдүүлж, өөрсдийгөө магтан дуулуулах, нэг намын дарангуйллыг бэхжүүлэх ажлыг өдөр шөнөгүй хийж байгаа” эрх баригч намтай эдүгээгийн Ерөнхийлөгч нэг ч удаа сөрж тэмцээгүй байдаг юм. Харин ч хамгийн сайн хамтрагчид болж ирснийг болж өнгөрсөн түүх гэрчилнэ. ҮАБЗ нэртэй гурван хүн хууль, шүүхийн байгууллагыг хараандаа авч, “төрийн ордны гурван давхраас” шүүхийн тогтоол үйлдэж ирсэн тухай бодитой баримт ч хүртэл дэлгэгдээд удаагүй байна.

Одоо АН дотор өрнөж буй намын даргын төлөөх тэмцэлд ч гэсэн Х.Баттулгын хөл, гар гүн дүрээтэй байгаа гэдгийг намынх нь гишүүд бэлхнээ хэлж байгаа. Үүнээс болоод намын даргын сонгууль, сунгаа хүртэл хууль дүрмийн хүрээнээс хальж, Х.Баттулгын тал бас бусад гэсэн хоёр тусдаа сунгаа явуулахдаа тулаад байгаа.

Тиймээс хэрэв Ерөнхийлөгч энэ удаа үнэхээр АН-ын эв нэгдэл, “Ардчиллын сүүлчийн цайз” нуран унахаас сэрэмжилж, сэтгэлээ чилээж байгаа бол түүнийгээ батлах ганцхан арга зам байна. Ямартай ч одоо болж буй намын даргын сунгаанаас гар, хөлөө татаж, аль болох намын дотоод хэрэгт оролцохгүй байх. Хоёрдугаарт өөрийн оролцоотойгоор хийгдсэн Үндсэн хуулийн өөрчлөлт буюу Үндсэн хуульд туссан шинэ зарчмыг сахин биелүүлж, хоёр дахь удаагаа Ерөнхийлөгчид өрсөлдөх хувийн шуналаа хаях. Энэ л түүний АН-ын ирээдүйд хийж байгаа хамгийн том ач тус юм.

Тэгвэл өнөөдөр эс ч гэлээ үлдсэн гурван жилд /2024 он хүртэл/ энэ нам яаж ийгээд дүрэм журмаа тогтоод, шинэчлэгдэж өөрчлөгдөөд, ардчилал шинэчлэлийн төлөө явсан анхныхаа чиг шугаман дээр очих биз. Буулгаж нураахад хэдий хугацаа орсон билээ, буцааж босгоход ч мөн төдий хугацаа орох нь дамжиггүй. Тийм болохоор АН-ыг зүгээр л мөрөөр нь орхих нь аль алиндаа өлзийтэй.

Учир нь "ардчиллын сүүлчийн цайз"-ыг нурааж мэдэх хамгийн ойрын бөгөөд бодитой заналхийлэл нь одоогоор эрх баригч нам биш, Ерөнхийлөгчийн иститут буюу Ерөнхийлөгч Х.Баттулга өөрөө болоод байна.

Б.СЭМҮҮН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (4)

  • Зочин (111.199.60.152)
    muruur ni orhihoor idegdeed bainaa MAN-d hulsnii bicheech sarmagchin min
    2021 оны 03 сарын 09 | Хариулах
  • Зочин (111.199.60.152)
    boliochee ingej gutgehee, MAN buren suirchee
    2021 оны 03 сарын 09 | Хариулах
  • kljlkjl (202.170.70.74)
    hjhjk
    2021 оны 03 сарын 09 | Хариулах
    • jlkjlkjl
      lkjlkj
      2021 оны 03 сарын 09
iРедакцийн сонголт
iШинэ мэдээ
Юун Ялта, юун дэлхийг хуваах! 33 мин Шөнийн автобус 22:00-02:00 цагийн хооронд үйлчилж байна 40 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 44 мин Засгийн газар: Төрийн өмчит компанийн тоог 85 болгон цөөлнө 1 цаг 29 мин З.Мэндсайхан: Оюу Толгойн хэлэлцээрийн баг удахгүй ирнэ 7 цаг 59 мин Мэдээж “Ар нь түүз!” 8 цаг 10 мин И-спорт болон оюуны спортын Азийн анхдугаар наадмыг 2027 онд зохион байгуулна 8 цаг 28 мин Улаанбаатарт өдөртөө 8 хэм хүйтэн 8 цаг 35 мин Аймгуудын өрсөлдөх чадварын 2026 оны тайлангийн үр дүнг танилцуулна 8 цаг 39 мин Д.Трамп Хятадад Ким Жөн Унтай уулзаж магадгүй гэв 8 цаг 44 мин Тайванийн Гадаад хэргийн сайд АНУ-д хоёр дахь удаагаа очжээ 8 цаг 49 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 8 цаг 54 мин Д.Медведев улирлын хаалтын тэмцээнийг хожлоор эхлүүллээ 23 цаг 53 мин “Вояжер-1” сансрын төхөөрөмж түүхэн дээд амжилт тогтооход ойрхон байна 23 цаг 57 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top