x

Ковидизм, ковидистууд ТОНИЛЦГОО!

"БОСГО"

Социализм+коммунизм+фашизм+нацизм+расизм+ковидизм... Энэ “изм”-үүд хүнийг удирдана, чиглүүлнэ, хямгадна, дарамтлана, хянана, цагдана гэсэн үндсэн зорилготой. 

Марксизм+Ленинизм+Сталинизм+Чойбалсанизм+Цэдэнбализм+Ковидизм нь айдаст автуулж, түгшүүртэй амьдралаар хүн зоныг боомилж, аз жаргалынх нь өөдрөг үзлийг түгжинэ. 

...Хатуу зөөлөн хоёрыг хаашдаа ч мэдэхгүй хорвоо минь ээ
Халуун голын минь урсгалыг хашиж битгий боогооч ээ
Үнэн худал хоёрыг өөрөө ч мэдэхгүй хорвоо минь ээ
Өнчин зүрхний минь хайрыг өширхөж битгий хаагаач ээ...гэж Хорьдугаар зууны зохиолч Дашзэвэгийн Банзрагч социализмыг эсэргүүцэж, тэр үеийн ноёрхлыг сөрж байсан юм. 

Хүн төрөлтний түүхэнд коммунистууд чадвартай оюунлаг хүнийг гадуурхаж, үйл тамыг нь барж, аль л түрүүлж сэтгэж түүчээлнэ, тэр хэрээр нь гашуун зовлонг үүрүүлж, бахаа хангаж байсан өнгөрсөн түүхийн хар цус өдгөө ч дусалсаар байна. “Гэгээн” гэж нэрлэгдсэн энэ тамланг хичнээн олон сая живаа хүн эдлэж золиослогдсоныг түүх тоо баримттай үйл явдалтай нь гэрчилнэ. Монгол хүн бүр мэдэх байх. Мэдэхгүй бол олж хар! Унш! Судла!

Зүрх зүсэм эмгэнэлийг оюун бодол чинь сэрдхийн хүлээн авна. Тэгээд сайн бод доо! Хядлага нядлагаа алсарсан ч бодит үнэн цаг цагийн салхинд үл замхарна. Сор болсон хүмүүсээ үе удмаар нь хүйс тэмтэрсэн яргачдад хариуцлага тооцоогүй өдий хүрсэн нь гамшиг бөгөөд гажиг сэжиг дагуулсан муу ёрын хар сүүдэр. 

Цусан улаан өнгөөр бэлэг тэмдгээ хийж цусны үнэрт согтууран таашаал авдаг зүүнийхэн дэлхий даяар инээмсэглэсэн дарангуйллаа тогтоох гэж хөмхийгээ зууж, хөмсгөө зангидан улангассаар л...

Грэта охиноор сурталчилгаа хийдэг гэнэн НҮБ-ыг юу гэх вэ?

Дэлхийн дулаарал хорвоог сүйтгэнэ, орчлонг сөнөөнө гэж донгодоод мөнгө угаадаг эрдэмтэн нэртэй зальжин луйварчдыг яах вэ?Тэдний увайгүй үйлдлийг л жинхэнэ харанхуй шунал гэхсэн. Ийм л харалган бодлоготонгуудыг зөв гэж даган дуурайгч нь Монгол хүн биш байг! Олж авсан эрх чөлөө, эрхээ хэрхэвч алдаж үл болно. Орлогогүй бол хүн юугаараа гол зогоох вэ? Эрх чөлөөгүй бол яаж баяр баясал, аз жаргалтай байх вэ? 

Бөх хавсрах гэдэг мэхтэй билүү? Тэр лугаа далим хавсрагчдад “хорооноо” их тус болж байгаа харагдах юм. “Чоно борооноор, дэлдэн чихтэй данхар төр хорооноогоор” гэдэг л болж байна. “Чих” гэдэг нь тагнана+чагнана+ухна+төнхөнө+нэгжинэ+түгжинэ+сургаар+ховоор төрийн бодлогоо чиглүүлж, үнэн бодит саруул эрүүл ухаанаас “ЗАЙ БАРИНА”. 

Хувь хүний эрх рүү хэтэрхий халдаж, гэр орон ор хөнжил рүү нь хүртэл халдлан довтлох нууц бичлэг гээчийг дэлгэрүүлж, эрх, эрх чөлөөг зөрчинө гэдгийг гойд сурамгай хийдэг суваг жим хөврүүлсээр л. Энэ нь занхар төрийн далд нуувч... Шувтарга нь яг тэнд... 

Бодит нөхцөл нь “QR” код. Дэлгүүр хоршооноос арилжаа хийхнээ ч хувь хүний, бүх хүний орлого зарлага байнгын хяналттай. Төрийнхөн атаархалдаа өмхийрч, бие биенээ тагнаж чагнахаас гадна ард иргэдээ ч зүгээр байлгахгүй хамаг эрх үнэ цэнийг нь хаана! Хянана! Удирдана! 

-Чөлөөт зах зээл, чөлөөт өрсөлдөөн гэж байхгүй шүү! Хүссэн ч, эс хүссэн ч би энэ улсын ерөнхий “СААД”. Хорооноогоор далимдуулж, хүнийг яг мал шиг үзэж, хорооных нь мухарт хорино. Өөрсдөөс нь илүү сэтгэдэг, холыг хардаг, оюун сэтгэлгээний өндөр зиндааг шоронд хорьчихоод, аятайхан байхгүй бол шонд дүүжлэнэ гэж айлгах тактик хэрэглэнэ. 

Хэрэглэгч та 17:00-21:00 цаг хүртэл цахилгаан халаагуураа унтрааж, эрчим хүчээ хэмнэнэ үү? Хариуцлагатай хэрэглэгч танд баярлалаа, эрчим хүчний зүй зохистой хэмнэлттэй хэрэглээг дадал болгож, цахилгааны болон галын аюулгүй байдлыг хангацгаая! Эрчим хүчний яам гэсэн мессеж байн байн ирэх боллоо. Энэ бол урд өмнө нь байгаагүй, хожуу ч гарахгүй Засгийн газрын саад нарын шийдсэн түүхэн түүхий шийдвэрийн баталгаа. Түүхий шийдвэрийн маргааш нь л гэхэд СХД-т тог цахилгааны доголдол гарсан бөлгөө. 

ЭРГЭЭД! БУЦААД! УХРААД! Эрүүл мэндийг сүрхий хамгаалж байгаа бололтойдог. Эрүүл байх нь чухлаас чухал. Гэвч орлого мөнгөгүй яаж эрүүл байх вэ? Хүнийг эрүүл байлгахын төлөө хүнээс мөнгийг нь сааж байгаа нь бодит үйлдэл. Саруул ухаанаас шалтгаалж эрүүл байх үнэ цэнэ ирнэ. Гэвч үйлчилгээ эмчилгээ НОЛЬ.

-“Ямар ч эмчилгээ хийхгүй, халуун ус сайн уугаад бай гэх юм. Эм ч өгөхгүй, тариа бүр ч тарихгүй, зүгээр л хэд хоног галчигнаж байгаад хоол унд ч үгүй шахуу харин ч ядраад гарлаа” гэж хорооноо тусаад, эдгэрч гарсан хүний яриа.

Хорооноогоор ашиг хийж, түрийвчээ зузаалсан авилгачдын цуваа ч хөврөх шинжтэй. Эрүүл мэндийн яамныхан эрүүл бусаар толхилцож эхэллээ. “Ялихгүй нэг муу ханиадаар гул барина, ямар уяатай нохой биш дээ”. Хүний эрх, биеийн эд хавд саад хийж, бизнесийг зогсоож, эдийн засгаа сүйрүүлдэг хүн төрөлтөн байдаг л юм байна, ХҮҮХЭЭД!

Социализмын үед бэлгийн замын өвчнийг хавьтсан хүнийг нь олоод, ар араас нь хөөж, нэг юм эмчлэхчээн болдог байсан коммунист аргаараа агаар дуслын халдварыг хойноос нь хөөгөөд, бас ажилтай хүмүүсийг хувийн унаагаар нь биш хувьсгалын унаагаар “автобус”-аар яв гэж овооролдуулаад, бүүр дэгдээгээд тараачих юм. Горьгүй ээ! Халдвар гудамжнаас уу? Үгүй. Дэлгүүр хоршоо үйлчилгээний газраас уу? Үгүй ээ. 

Эмнэлгээс, эмчлүүлээд гарсан хүнээс, бүүр эмнэлэг дотроосоо шүү дээ! Юу гэх вэ? Шинжлэх ухаан технологийн альхан талд явна вэ?

Хорооноог анх тарааж хүн төрөлхтөнд дайн дэгдээсэн өмнөд хөрш энэ гамшгаараа гайхуулж уран сайхны кино гаргаж бас л айлган сүрдүүлэлт хийж байна. “ХОРЬ ХОРЬ” оны босго айдас хүйдсээр элэгдэж дууслаа.

“ХОРЬ ХОРИН НЭГЭН” оны босгыг яаж зөв элээх вэ? Хариулт нь:

-Гагцхүү оюун сэтгэлгээ, үзэл санааны босго өндөр саруул ухаантай, эрүүл хараатай байж, "Ёо!" гэх өвчингүй, "Яанаа!" гэхийн гачлангүй эрх чөлөө эрхээ хүн бүр бүрэн дүүрэн эдэлж, аз жаргалтай, орлоготой, ашигтай байх ёс зүйт тогтолцоог даллая. Харин ковидизм, ковидистууд далд ор. ТОНИЛ ЦААШАА!

Д.Сосорбарам

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Юун Ялта, юун дэлхийг хуваах! 44 мин Шөнийн автобус 22:00-02:00 цагийн хооронд үйлчилж байна 50 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 54 мин Засгийн газар: Төрийн өмчит компанийн тоог 85 болгон цөөлнө 1 цаг 39 мин З.Мэндсайхан: Оюу Толгойн хэлэлцээрийн баг удахгүй ирнэ 8 цаг 9 мин Мэдээж “Ар нь түүз!” 8 цаг 20 мин И-спорт болон оюуны спортын Азийн анхдугаар наадмыг 2027 онд зохион байгуулна 8 цаг 38 мин Улаанбаатарт өдөртөө 8 хэм хүйтэн 8 цаг 45 мин Аймгуудын өрсөлдөх чадварын 2026 оны тайлангийн үр дүнг танилцуулна 8 цаг 49 мин Д.Трамп Хятадад Ким Жөн Унтай уулзаж магадгүй гэв 8 цаг 54 мин Тайванийн Гадаад хэргийн сайд АНУ-д хоёр дахь удаагаа очжээ 8 цаг 59 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 9 цаг 4 мин Д.Медведев улирлын хаалтын тэмцээнийг хожлоор эхлүүллээ Өчигдөр 18 цаг 11 мин “Вояжер-1” сансрын төхөөрөмж түүхэн дээд амжилт тогтооход ойрхон байна Өчигдөр 18 цаг 07 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top