Байгаль орчин, аялал жуулчлалын сайд Н.Цэрэнбат өнөөдөр 19 аж ахуйн нэгжийн 23 ашигт малтмалын тусгай зөвшөөрлийг цуцалсан тухайгаа мэдээллээ. Цуцалсан тусгай зөвшөөрөл бүхий ордууд нь Архангай, Өмнөговь аймагт хамаарч байна. Тухайлбал, 10 гаруй жил Архангай аймгийн Цэнхэр сумыг ухаж уул, мод, усыг сүйтгэсэн хэсэг хүмүүсийн лицензүүдийг цуцалсан. Үүнд 13 лиценз хамаарч байна. Өмнөговь аймагт 10 лицензийг цуцалжээ.
Өнөөдрийн байдлаар уул уурхайгаас үүдэн 1,100 байршилд 27,405 га газар эвдэрснээс 8.8 мянган га газар буюу уул, ус, мод хамрах газар эзэн холбогдогч нь олдохгүй эвдэрч сүйдээд байна гэв. Нөхөн сэргээхэд эхний ээлжинд 540 тэрбум төгрөг шаардагдах тооцоог БОАЖЯ хийжээ. Мөн 1.3 са орчим га газрыг шинээр тусгай хамгаалалтад авахаар УИХ-д өргөн мэдүүлнэ гэлээ.
